بما اننا جبنا امعاء للممبار وده هنقدمه في موضوع قادم ان شاء الله فاخدنا جزء منه نجرب فيه السجق
المقادير :
حوالي ربع كيلو امعاء - نصف كيلو لحمه مفرومه - نصف كوب ماء (اختياري- 1 عيش فينو -1 بيض -) ملح وتوابل
الطريقه :
بنخلط المقادير كلها مع يعضها ونقلب كويس لحد ماتبقي سائله شويه عشان نقدر نحشيه بسهوله
وبرضه مانحشيش كتير عشان بيكبر اما بيستوي
نيجي للتسويه :
هاتي بصله و2 طماطم و2 فلفل وملح وبهارات وجبنه رومي
حطي البصله وسويها شويه في الزيت ثم الفلفل وهاتي السجق وحطيه ولعد شويه اقلبيه هياخد الون ويتحمر شويه بعد كده ضيفي الطماطم وغطي
شويه وابدءي قطعيه عشان يستوي اسرع وعشان التقديم كمان
ولما يستوي طفي البوتاجاز و ضيفي الجبنه الرومي و هتسيح من حرارته
قدميه مع فينو او عيش بلدي و جبنه رومي وكاتشب ومسطرده وشطه للي يحب وممكن بطاطس محمرة كمان وبالهنا والشفا
