ارؤنا عملته بطريقة (ام مهند الطيوبة ) وطلع حلو مشكورة
بسم الله نبدأ
زبدة سايحة
المهلبية (كوبين لبن +ملعقتين كبار نشا و ندوبهم مع بعض ونحطهم علي النار لحد ما يغلظ القوام) نعملها ونسيبها تبرد
وانا حطيت عليها زبيب وقلبت
الشربات
بنحضر الشربات في الاول
بنحط كوبايتين ماية علي كوب و نصف سكر و عليهم عصير نصف ليمونة
و نحطهم علي النار
و نسيبه يغلي لحد ما يصل للقوام المطلوب تقريبا 10 دقائق
(بالنسبة للجلاش
الشربات المفروض يكون تقيل بس مش اوي)
نعرف القوام باننا نحط ملعقة في الشربات و نخليها تنقط علي سطح رخامي
و لما النقطة تنزل و تفرش بالرحة تكون استوت و نطفي النار
لو نزلت النقطة ثقيلة و مافرشتش يبقي اعملي بيه أي حاجة تانية غير الشربات
(للي اول مرة يعمل الشربات ياريت يعمل الاختبار ده)
و بعد ما الشربات يخلص نحطة في الثلاجة
ساقع
و ابدأ في عمل الجلاش
و نبدأ نحط راقين و ندهنهم زبدة بالشكل ده
و نثني الجوانب لتحت علشان الشكل النهائي
و هكذا كل مرة ورقتين في الراق الواحد لحد ما نوصل لنصف اللفة تقريبا بعدين نحط ورقة واحدة بس و ماندهنهاش سمن
علشان هنحط فيها الحشو و مانتنيش اطرافها نخليها لفوق كده علشان نفقلها علي الحشوة
علشان مايسحش و يتحرق من الجوانب بالشكل ده
و نحط الحشو نقفل الاطراف عليه
و فوقه ورقة واحدة تانية نغطي بيها الحشو و ندهنها سمن
و بعدين تكمل وضع الجلاش ورقتين بعد ورقتين كما بدأنا لحد النهاية
و كده نكون خلصنا الصينية
و نقطعها بالسكين بالشكل ده
و ندخلها الفرن في الرف اللي من تحت علي درجة حرارة متوسطة
و لما تبدأ في الاحمرار من الجوانب نحطها تحت الشواية علشان اللون
بتكون مقرمشة من تحت و من فوق و في النصف طريه
زي بتاعة برة
و كده خلاص خلصت
بمجرد ما تطلع من الفرن لاااازم نسقيها شربات ساقع
و نغطيها مباشرة بورق جرايد
جرنال كامل علي بعضه و رق الجرايد احسن من غطاء الحلة علشان بيمتص البخار اللي متصاعد من الجلاش
و في نفس الوقت مايكتمهوش فيعجن
و نسيبها لحد ما تشرب الشربات و تبرد شوي
و تقدم وبالهنا والشفا
وده طبق لاول قمراية هترد عليا
وياريت ترودو عليا وتقولولى رايكم وماتنسوش تقييم الموضوع