1
سباغيتي الخضار
سباغيتي (نسلقها بماء وملح لمدة 10 دقايق وبس تخلص نخليها ع جنب)
حبتين كوسا مبشورة
جزرتين مبشورين
بصل مقطع شرايح
ثوم مقطع ناعم
فليفلة مقطعة شرايح
حب خردل
صويا صوص
صلصة المحار
ملعقة كاتشاب
بقدر نحط شوية زيت ونحط حب الخردل ونخليه شوي قبل ما نضيف البصل والثوم, بعد ما نضيفهم نقلب لما يذوب البصل شوي, ونحط الخضروات ونقلب .
بعدين نحط صلصة المحار والصويا صوص و الكاتشاب والملح ونقلبهم شوي , ونغطي عليهم إلى ان تستوي الخضار .
لما تستوي نحط السباغيتي فوقها ونقلبها عشان تصير ساخنة وبعدين نقدمها
فطيرة السبانخ
العجينة :
( عجينة الفطاير العادية)
دقيق
زيت
حليب بودرة
بيضة
خميرة
سكر (فنجان)
رشة ملح
وماء
الحشوة:
سبانخ مقطعة فرررش أو ممكن سبانخ مجمدة
بصل مقطع شرائح + ثوم مقطع
رشة زعتر جبلي
ملعقة طعام سماق
نصف ليمونة
ملعقة دبس رمان
ملعقة زيت ( نباتي أو زيت زيتون)
عمل الحشوة:
نحط السبانخ داخل القدر ونخلي النار متوسطة (طبعاً من غير أي ماي السبانخ بس)
والى ان تنضج ويتغير لونها ويصير أغمق, بهالوقت ناخذ على جنب مقلاية ونحط فيها الزيت والبصل والثوم ونقلب , وبعدين نحط دبس الرمان والليمون والزعتر الجبلي والملح و الفلفل ونشوحهم كلهم مع بعض لمدة دقيقتين , وبعدين ناخذهم ونحط هذي الخلطة على السبانخ ونكمل التقليب واضافة الملح . بعد خمس دقايق نطفي النار عليه , ونحط ملعقة السماق ونقلب.
بعد ما تتخمر العجينة نمدها بصينية كبيرة شوي ونقسمها نصين نص تحت الحشوة ونص نغطي فيه الحشوة ( فطيرتي مربعة) ونقفل الجوانب , وندخلها الفرن الى ان تتحمر .
3
صينية التوست
تووست
زيتون مقطع
جبن موزاريللا
للحشوة رقم 1:
صدر دجاجة مقطع
ثلاث ملاعق طحينة
ثلاث ملاعق روب
رشة ملح وفلفل اسود وليمون
نتبل الدجاج بليمون وشوية ملح وفلفل ونحطها بقدر ع النار ونحط شوية زيت عشان التقليب , الى ان تستوي, ونشيلها عن النار.
بعدين نضيف الروب والطحينة ع الدجاج , ونكون خلصنا من الحشوة الأولى
الحشوة رقم 2:
طماطم مقطعة وفليفلة مقطعة (فلفل بارد) وبصل مقطع
نحطهم ع النار ونقلب الى ان تذوب الطماطم.
نجيب التوست ونزيل الحواف , نبدأ نرص التوست بالصينية
أول طبقة توست نحط عليها الحشوة الأولى, بعدين نرص طبقة ثانية ونحط فوقها الحشوة رقم 2 وبعد ما نخلص نرش الزيتون وجبن الموزاريللا وندخلها الفرن لمدة 10 دقايق الى ربع ساعة (يعني بس تاخذ وش لأن كل المقادير مستوية)
ونطلعها من الفرن ونقدمها
4
كبة الأرز
أرز مسلوق (مع ملح و مكعبة ماجي)
2 بيض
نعناع ناعم
الحشوة:
ثلاث حبات نقانق مقطعة
خضروات مجمدة مسلوقة
فطر مقطع
بصلة مقطعة شرايح
ثوم مقطع ناعم
ملح + فلفل + كمون + كاري+ ثوم مطحون
عصير ليمونة + ملعقة دبس رمان
بالمقلاة نحط شوية زيت ونقلب فيهم البصل والثوم, لما يذبل البصل, ونضيف دبس الرمان والليمون , بعدين الفطر والنقانق ونحط التوابل ونقلبهم شوي وبالأخير نحط الخضروات المسلوقة. ونترك الحشوة إلى ان تبرد شوي
نعجن الرز والبيض والنعناع باليد , لما يتجانس ويصير كأنه عجينة, بعدين ناخذ مقدار معين ونحط الحشوة ونسكرها ونكورها عدل , لما ننتهي نقلي الكور بالزيت و نقدمها .
5
الدجاج ع الطريقة الصينية
صدور دجاج مقطعة شرايح ( ونكون ناقعينها بشوية ملح وليمون)
بصلة كبيرة مقطعة شرايح
ثوم مقطع صغير او مدقوق
جزر مقطع طولي
فليفلة مقطعة طولي
صويا صوص + شوية ماء
زنجبيل مقطع
نحط شوية زيت بقدر ونضيف البصل والثوم ونقلب , بعدين الدجاج وكمان نقلب, ونضيف الجزر والفليفلة والزنجبيل ونكمل تقليب .
بعدين نحط الصويا صوص ونزود الماء بحسب الحاجة يعني حتى يكون قوامها كثيف شوي.
نخليها تطبخ ع النار شوي, وبعدين نقدمها
