اليوم جبت لكم سالفه من سواليفي العبيطه هي مو عبيطه وايد إلا هبله وبجنون المهم في يوم بارد من الشتاء طلعت في مخي التسوق في سيتي بلازا وطبعا أنا ما أطلع إلا ومعاي المجنونه بنت خالتي المهم أنا كلمتها وقلت لها ويش رايك نروح على سيتي بلازا قالتلي أوك وطلعنا طبعا كاشخين ورزه وصلنا الى سيتي بلازا وطبعا حنا كلعاده نستهبل شوي وضرب تعليقات على الأغراض الموجوده وهذا كذا وهذاك كذا وإلــخ .... طبعا تعرفون سوالف بنات قرعه هههههههههههه المهم جينا نحاسب وخلصنا وحنا مبسوطتين أخر بسطه جينا بنطلع من البوابه إلا الأنذارات تشتغل في كل جانب ويش صاير ويش اللي حصل مب فاهمين ولا شيء والمصيبه الناس كلهم يطالعون فينا كأننا مجرمات المهم جالنا السكرتي وقال لوسمحتوا اتفضلوا معانا قلناله بس حنا تونا محاسبين وطلع لسان بنت خالتي وهي تقوله ويش قصدك يعني بهالحركه يعني حنا سرقنا شيء من المكان قالها لا أختي أنا ماقصدت شيء والله بس هذي التعليمات ولازم نتقيد فيها ونعرف أنتوا لما طلعتوا ليش الأنذارات اشتغلت قلتلها خلاص أسكتي وانشوف أخرتها شنو المهم رحنا مع السكرتي وطلعنا المشتريات وطلعنا كمان الفاتوره وطلع الموضوع كله سليم وفي الأخير تأسف لنا وقال حقكم علي وأنا أسف المهم قلناله حصل خير وجينا مره ثانيه بنطلع أشتغلت الأنذارات مره ثانيه رجع السكرتي وقال شنو فيه قالتله بنت خالتي لايكون هو خربان ولا عاطل قالها لأ المهم اتفق على فكره أن كل وحده فينا تطلع من البوابه ونشوف أخرتها شنو المهم طلعت بنت خالتي وما سمعت شيء جيت أنا أطلع إلا وهو يشتغل قلت لا يكون هم قاصدينها فيني أنا بس لأن مو طبيعي الوضع قالي السكرتي ويش سالفتج أنتي بالضبط قالت في خاطري أنا لازم أقتلك أنت وأفجر المكان ههههههههه وجلس يناظر فيني كأني مجرمه وقلت له وبكل وقاحه وأنا ماأدري كيف طلعلي صوت في ذاك الوقت أذا تبي تفتش أغراضي والشنطه ماعندي مانع لأني واثقه من نفسي وبالفعل أخذ الشنطه ومالقى فيها شيء لأنها يادوب تكفي الجوال والمحفظه حق الفلوس إلا وما أشوف إلا بنت خالتي تصرخ من وراي وتقول الحلق اقولها شنو ؟؟ قالتلي الحلق لاصق على العباه من ورى وأخذت الحلق وقالت هذا أساس المشكله الله يخرب هالحلق وساعة الحلق وبعدها أتأسفنا لسكرتي وقلناله أسفين مو قصدنا والله قال عادي ماحصل إلا كل خير أنا هنا قلت في نفسي إي خير هذا اللي أنا ماشفته من دخلت هالمكان وطلعت وأنا مغطاة بكل أنواع الفشايل اللي في العالم وطبعا من ذاك اليوم مارحت سيتي بلازا أبدا هههههههههههه تعقدت منه وخلصت السالفه >> احلفي والله يالله مع السلامه تحياتي لكم ام كمال emkammol