بتـــــاريخ : 7/14/2012 2:47:34 PM
الفــــــــئة
  • التربيــــــــــة
  • التعليقات المشاهدات التقييمات
    0 1684 0


    اديني رأيك: بحب أستاذي.. وخايفة ماطلعش الأولى تاني

    الناقل : elmasry | العمر :42 | الكاتب الأصلى : بص و طل | المصدر : boswtol.com

    كلمات مفتاحية  :
    حسيت بإعجابى بيه وبقيت باهتم بشكلي وطريقة كلامي
    حسيت بإعجابى بيه وبقيت باهتم بشكلي وطريقة كلامي
    أنا عندي 14 سنة، كنت شاطرة في دراستي بس مش متفوقة، وفجأة طلعت الأولى على مدرستي في الصف الثاني الإعدادي، ومش كنت باخد دروس خالص، بس دلوقتي أصحابي زعلوا مني علشان أنا طلعت الأولى.
     
    وعلشان أأكد لهم إني شاطرة أصرّيت إني لازم أطلع الأولى في تالتة إعدادي، بس قرّرت إني آخد دروس، ومش كنت أعرف إن هنا المشكلة، رحت درس لغة عربية بس، ولكني اتصدمت ووقعت في مشكلة؛ لإن أستاذي كان فخور بيّ زيادة عن اللزوم، وكل شوية يقول لي كلام حلو أوي، وهو أصلا نوعه بتاع بنات يعني بيقول لهم كلام حلو وكده.
     
    وأنا انهرت قدام الكلام ده اللي ماسمعتهوش قبل كده، وحسيت بإعجابى بيه، وبقيت باهتم بلبسي وشكلي وطريقة كلامي، وفي آخر شهر قبل الامتحان ماما قالت لي: "إنتي هتقعدي في البيت علشان تلتفتي لمذاكرتك"؛ لأنها كانت حاسة إني بحبه.
     
    ولكني اعترفت لها بالحقيقة، وماما عايزاني أطلع الأولى تاني، فاقعدتني من الدرس واتعذبت بعدها لفترة صغيرة، وكان ميعاد الدرس بيعدي عليّ نار، وكنت بأسأل أصحابي عن حال الدرس بعد ما قعدت، فماما وعدتني وقالت لي: "هوديكي عنده الترم التاني بشرط تكوني نسيتيه في فترة الإجازة دي".
     
    عدّت الأجازة وجاء معاد درسه وبابا مش عايزني أروح؛ لأنه شايف إني مش باستفيد منه، وماما قالت لي: "اقعدي من الدرس علشان الموضوع ده"، بس أنا أقنعت ماما إني باستفيد منه وأنا فعلا باستفاد منه كتير.
     
    فبدأت ماما تقنع بابا إني أروح هناك عنده فبابا وافق، بس حاسة أنه زعلان مني، المهم إني فعلا بدأت أنساه بس خايفة أول ما أروح عنده أفتكره تاني، المشكلة دلوقتي إني حاسة إن حبه جه علشان يعطلني عن المذاكرة؛ لأني فعلا اتعطلت شوية عنها وخايفة ماطلعش الأولى تاني، وكل اللي يهمني دلوقتي إني أطلع الأولى تاني إن شاء الله.
    أرجوك اديني رأيك..


     

    كلمات مفتاحية  :

    تعليقات الزوار ()