مابين الاتنين عشان مش بحب المسقعه باللحمة وبعملها بالفلفل ونفس مقادير السلطة بس بطريقة المسقعه وممكن بعد ماتخلصي المكونات تحطيها في الفرن تاخد وش او تكمليها علي البوتاجاز وتقدميها ....
يمكن شكلها مايشدش قوي لكن بجد طعمها حلو جدا هتعملوها علطووووووووول
وااااااااااااادي الطريقة
اولا هنغسل الخضار كويس ونقطع
الباذنجان ونشيل قلب الفلفل والشطة وخدي بالك من ايديكي والشطة
بعد كده هنقلي الباذجان ثم الفلفل وبدل مانوسخ اطباق كتيرة طلعي اللي يتقلي في الصينية اللي هتعملي فيها
ومن غير مناديل المطبخ لاننا هنحتاج الزيت عشان الثوم
ميلي الصينية شوية وامسكيها بحاجه عشان ماتتلسعيش وفي بقعه ساخنة حطي الثوم المطحون مع الملح والتوابل وهتشمي الريحه علطول
بجد بتبقي تحفه وبعد كده قلبي كويس وضيفي البهارات والملح لو عاوزة تزودي وكتري شوية من الكمون والكسبرة بيخلوها حلوة
قطعي الطماطم شرائح وضيفيها وغطي وهدي النار طبعا عشان ماتلزقش منك
لما تلاقي كله استوي قلبي كويس وقدميها وبالهنا والشفا مع العيش بتبقي ولا كلمة
اما لو عامله ريجيم ممكن تعملي المكونات اللي فاتت كلها من غير الثوم تقطعيها مع بعضها وتحطي شوية زيت صغيرين وتسيبيها تستوي علي نار هادية
وبتبقي خفيفة وحلوة ومناسبة للفطار او العشا مع العيش والغدا لو كشري عدس بيبقي طعمها حلو معاه
لو عندكم وصفة تانية للباذنجان او بتعملوها بطريقة تانية ياريت تشاركونا وتحياتي للجميع