بسم الله الرحمن الرحيم
كثرت في هذه الأيام سرقة حساب بنك الليبرتي ريسيرف
وهذه المشكلة نتيحة إننا مش بنبقي واخدين بالنا من حاجات مهمة جدا
وسوف أسرد بعد الخطوات الهامة الذي إذا أتبعتها لن يتم سرقة حسابك إن شاء الله
أولا : كل واحد من اللي أعرفهم يروح يعمل أكونت في الليبرتي
بيقع في أول حاجة تضيع منه الأكونت وهي أنه يقوم كاتب رقم الأكونت
والباسورد واللوجن بن والماستر كي في فايل تكست علي الكمبيوتر
لا مش كدا وبس يقوم كاتب اسم الفايل بنك ليبرتي ريسيرف
ايه المشكلة بقي لو كتبت البيانات في نوتة عندك
او أقولك أكتبها في ورقة وألزقها في ظهر الكيبورد علشان متقوليش هتضيع
والله العظيم دي أكتر حاجة بتسهل للحرامي انه يسرقك كأنك بتقوله تعالي أسرقني
وبيناتي موجودة قدامك هيطلع واحد يقولي إزاي وهي علي جهازي هتتسرق
طيب بالله عليك مفيش مرة نزلت فيلم من علي النت
مفيش مرة نزلت لعبة من علي النت
مفيش مرة نزلت برنامج من علي النت
متقوليش برنامج الأنتي فيرس مش جايب حاجة
في باتشات وبرامج كتير بتخلي الحرامي دا قاعد علي جهازك
وشغال كوبي وبست وانت في الطراوة
دي أول حاجة
ثانيا :بعد ما نعمل الأكونت
أكيد كل واحد فينا معاه موبايل يقدر يدخل منه علي الإيميل بتاعه
اللي معاه موبايل يقوم داخل من الموبايل بتاعه علي الإيميل اللي عامل عليه الليبرتي
ويغير الباسورد علشان لما يجي يدخل عم الحرامي علي حسابك
مش هيعرف يجيب الكود بتاع الأيبي سيكيورتي
او هيحاول يسترجع البيانات علي الميل مثلا ودا طبعا بعد ما انت شلت فايل التكست اللي فيه بيانات حسابك مش هيعرف لانك بتدخل من الموبايل ودا امان
طيب هتقولي انا معنديش موبايل هقولك لما تيجي تدخل علي حسابك
أكتب الإيميل والباسورد بالكيبورد بتاعت الويندوز
علشان البرامج اللي بتلقط الباسوردات مش بتلقطها بالكيبورد بتاعت الويندوز
علشان كدا موقع الليبرتي عامله كيبورد للباسورد وللوجن بن والماستر كي
هتقولي أجيبها منين دي
هقولك أفتح قائمة
Start
ثم
Run
واكتب
OSK
هتتفتح الكيبورد علي الشاشة وتكتب بالماوس الباسورد بتاعك
ثالثاً : تاخد بالك طبعا إن الإيميل بتاع الليبرتي يكون غير الإيميل اللي بتعمل شات عليه
يبقي إيميل لليبرتي فقط علشان ميتسرقش منك
واي حاجة تخاف تكتبها علي الجهاز وانت مش ضامن الجهاز
أكتبها بكيبورد الويندوز
واهم حاجة كمان لازم تكون نسخة الويندوز أصلية لان
3/4 النسخ اللي متعدل فيها وفيها برامج ولعب
كلها بتشات وبتسرق كل بياناتك وانت بردوا في الطراوة
وتقول الله نسخة تمام ملهاش حل
وانت يعيني متعرفش حاجة
لو في حاجة تاني أفتكرتها هبقي أكتبها
بس كدا يارب مكونش نسيت حاجة
وأكون أفدت الجميع
ومحدش يتسرق تاني