السلام عليكم :
كل سنة و انتو طيبين ... وحشتوني و يا رب تكونوا قضيتوا عيد سعيد ...
الموضوع باختصار اني بحب كتير ادخل على المنتديات الشبابية و اشوف فيها اية ... لان ليا قريبتي شابة و كدة كدة انا بحب أشوف المواضيع اللي فيها بتتكلم على اية و اية اللي بيشغل دماغهم ووجهة نظرهم و أفكارهم ....
المهم ... في أحد المرات و انا في أحد المنتديات الشبابية شفت لينك حلو من فوق كدة مكتوب عليه ( إن الله يحبك و لديه خطة لحياتك ) طبعا ضغطت عليه بدون تفكير لاني افتكرت انه لينك دعوي مثلا ... هو في الواقع مطلعشي دعوي ... طلع لينك بيودي لموقع تبشيري مسيحي!!!!!! و استغربت أوي لان كلمة الله لا يستخدمها إلا المسلمون بينما يستخدم الآخرون كلمات أخرى كالرب و غيرها ...و استغربت أكتر من وجود اللينك في موقع شبابي مصري مسلم ....
المهم عادي مخدتش في بالي و قلت بتحصل ... لكن الموقف ده أتكرر أكتر من مرة في أكتر من منتدى شباااااااااااابي مسللللللم و بقى عااادي جدا اني أشوف اللينك ده في حتى أفلام اليوتيوب اللي بتقدم برامج إسلامية !!!!!؟!؟؟
و بعدين عرفت السبب إيه ..السبب إن معظم المنتديات الشبابية بيكون اللي عاملينها شباب على سيرفرات مجانية مقابل السماح ليهم بعرض إعلانات بالمجان على المنتدى ....
أنا مش متضايقة على فكرة من اللينكات دي و لا الكلام المزيف اللي مكتوب في المواقع اللي بتؤدي ليها هذه اللينكات .... عادي من حق كل فريق إنه يروج لنفسه و يعتقد إنه على صواب و الله يوم القيامة يحكم بين عباده فيما كانوا فيه يختلفون .....
بس .... ليه الإعلانات دي في منتديات شبابية إسلامية بالتحديد ؟؟... و ليه إستخدام كلمات إسلامية ؟؟؟أعتقد لازم ناخد بالنا من النقاط دي ...
خاصة إذا عرفنا إن في كتير بتكون ثقافتهم الدينية مش قوية ....
هل إنتقل التبشير من البالتوك للمنتديات الشبابية و اليوتيوب الآن ؟؟؟؟و لو حصل مش المفروض ننبه ولادنا للموضوع ده خاصة إذا عرفنا إن المسؤلين عن مثل هذه المواقع المشبوهة يتبعون نفس أسلوب البالتوك الملتوي البائس ...
مش المفروض كل أم و كل أب يشوف ولاده بيعموا اية على النت و ينبههم و يرببيهم تربية إسلامية صحيحة و لا يسيبهم يجربوا براحتهم .....؟؟؟؟
على فكرة... الموضوع ملوش أي علاقة بإي طائفية ...بالعكس و الله .... فهم جيراننا و لهم ما لنا و عليهم ما علينا و لكن أتحدث عن فئة معينة مريضة تظن أن رفعة دينها و معتقدها لا يكون إلا بالهجوم على الآخرين و تزييف الحقائق .
فقلت أنبه و أعمل اللي عليا و خلاص ....و طبعا ده من ملاحظاتي الشخصية و مش منقول ...
أتمنى بس ناخد بالنا من النقطة دي ...
و جزاكم الله خيرا