|
*وصفة مصورة *صنية الخضار المشكل فى الفرن
الناقل :
SunSet
| العمر :37
| الكاتب الأصلى :
مى مودى ميز
| المصدر :
www.lakii.com
الخضار المشكل فى الفرن او التورللى زى ما البعض بيسموه
الاول كنت هعمل صنية بطاطس
وبعدين البطاطس كانت قليلة وانا عاوزاها تقعد يومين
... قلت طيب
مش هغلب
لقيت عندى بواقى كيس بسلة بالجزر
كوسايتين
باذنجانه رومى
فلفل الوان
خرطت بصلتين تلاته رفيع اوى تبلتهم بالملح و الفلفل و سبتهم ينزلوا ميتهم
فرشتهم فى ارض الصنية
وحطيت فوقيهم البطاطس و فوقيهم باقى الخضروات بعد ما قطعتهم مكعبات كبيرة شويه
حطيت بعد كدا طماطم مضروبة فى الخلاط و زودت كمان شوربة فراخ و ملعقة سمن و ملعقتين معجون طماطم "طبعا مظبطة الملح و البهارات"
حطيت الفراخ "مسلوقة نص تسوية " على الوش و قفلت الصنية بالفويل و سبتها فى الفرن لمدة ساعة
بعد كدا شيلت الفويل و سبت وشها يحمر
مفيش اسهل من كدا اظن
و قدمتها بجانب الارز الابيض و السلاطة والف هنا
ملحوظة فى ناس بتحب تاخد الخضار سوتيه فى الاول شويه قبل ما يتحط فى الصنيه بس انا لقيته كدا خفيف جدا جدا و مريح للمعدة
 
no0r
|