السلام عليكم ورحمةالله وبركاته
بصو بقى يا فتوكات
مش عوزه حد يضحك عليه علشان مزعلش...ماشى
انا بوفربطرق مختلفه والنهارده هقول طريقه
وياريت كل اللى يدخول للصفحه يقول لنا طريقه يوفر بيها فى اى حاجه
ونستفيد من خبراتنا
انا هقول الطريقه اهووو متسرحوش وركزو
انا وقت بشترى الفراخ بشيل القوانص والكبده فكيس
والجوانح والرقاب فكيس تانى
وبعد ما اشيل شويه حلوين كده
اجيب الرقاب وانزع الجلد بتاع الرقبه عن عضام الرقبه
بيبقى عامل زى الكيس
بعمل خلطه زى اللى بنحشى بيها الحمام
سواء كانت رز او فريك
وطريقتى فالخلطه انى بخرط بصل كتيروكمية رز قليله
علشان ادى فرصه للرز يستوى
واضيف الملح والفلفل وشوية زيت علشان الرز ميعجنش
وابتدى بحشو جلد الرقبه
والحشو يكون خفيف علشان متفرقعش زى الحمام كده
وبعدين اقفل اطراف جلد الرقبه بالخله
وبعدها اسلقهم زىما بنسلق الفراخ واضيف معاها عضام الرقبه والجوانح
بيطلع منهم شوربه كويسه جداممكن نطبخ عليها اى صنف انتى عوزاه
وبعدها نحمر جلد الرقبه المحشى بالرز ونحمر الجوانح بالبيض والبقسماط
ادى يوم وفرناه
نيجى ليوم تانى
نعمل القوانص والكبده بالبصل نشوحهم مع بصل زى كباب الحله
ونعمل معاهم شوية مكرونه او ناكول بعيش
طعمها بيكون جميل جدا
وفى كمان حاجه ممكن توفى بيها
لو فى محل فراخ جنبك بيبيع فراخ مخليه
بيكون عندو هياكل الفراخ
بيكون فيها الجوانح والرقبه
نعملها بنفس الطريقه
وكده بتوفرى بطريقه تانيه خالص
يارب الموضوع يعجبكم