بسم الله :
الطبق الأول :
ஜ]¦[‗ـ−Ξ دجاج بالذرة Ξ−ـ‗]¦[ஜ
المقادير :
بصل مقطع
ثوم بودرة
بهارات مشكلة
صدور دجاج مقطعة
ذرة معلبة
فلفل رومي مقطع شرايح
مشروم
قشطة + جبنة سايلة
جبنة موزاريلا
الطريقة :
نحمر البصل بمقلاه ونضيف الدجاج + الثوم + البهارات المشكلة
وممكن تضيفين الأوريجانو + المشروم ولاتنسين الملح ..
ونحرك الدجاج لحد مايسنوي ونخليه على جنب .
بالخلاط :
حطي علبة قشطة + ملعقتين جبنة سايلة
والحين جهزي الصينية ,, وحطي فيها بالبداية الفلفل الرومي
بعدين الدجاج
وفوقه الذرة
بعدين حطي طبقة سخية من الجبنة الموزاريلا 
بعدين نحط الكريمة اللي سويناها بالخلاط
ونرجع مره ثانية نحط الجبنة ونرش الوجه بأوريجانو ,,
وندخلها الفرن من تحت ,, وإذا تماسكت ,, شغلنا الفرن من فوق
لحد ماتتحمر ,,
وهذا شكلها النهائي :
الطبق الثاني :
ஜ]¦[‗ـ−Ξ داوود باشا Ξ−ـ‗]¦[ஜ
المقادير :
لحمة مفرومة
بصل مقطع
طماطم مقشرة
ملح + بهارات مشكلة + شوية قرفة
ثوم بودرة
الطريقة :
خذي نصف كمية البصل واخلطيها مع اللحمة
واضيفي عليها البهارات والثوم والقرفة والملح
ولو عندك كزبرة مقطعة حطيها << تعطي نكهة حلوة
بعد كذا ,, كوريها بأحجام متساوية
وبعدين جيبي قدر وحطي فيه باقي البصل وحمريه
مع كمية معقولة من الزيت واضيفي الثوم البودرة
بعدين حطي كور اللحمة وخليها على نار متوسطة ولاتحركينها على طول
عشان ماتتفكك معاك ..
بعدين قلبيها شوي شوي ,,
في الخلاط حطي الطماطم المقشرة ,, وأضيفيها للحمة ,,
واضيفي لها شوية بهارات وملح وشوية ثوم ,,
وحركيها ,, وخليها على نار واطية لحد ماتتسبك معاك الخلطة ,,
ويستوي اللحم ,, عمومآ يبيلها تقريبآ ربع ساعة ,, ولو احتاج شوية موية
حطي بس شوي مو تكثرين ,,
قدميه مع الرز الأبيض أو الخبز ,,
بق الثالث :
ஜ]¦[‗ـ−Ξ دجاج بالكريمة Ξ−ـ‗]¦[ஜ
المقادير :
صدور دجاج
متبلة لمدة ساعة على الأقل بالتالي :
بهارات ايطالية + ثوم بودرة + زيت زيتون +ملح
قشطة
جبنة سايلة
مشروم
الطريقة :
حطي صدور الدجاج بصينية وغطيها بقصدير ودخليها الفرن تقريبآ نص ساعة ,,
بعدين طلعيها وحطي شوية زيت زيتون بتاوة ,, وقلبي الدجاج عليها
بس مجرد تحمير ,, بعدين حطي الصدور بطبق التقديم ..
وبقدر صغير حطي علبة قشطة + ملعقتين كبار جبن سايل
والمشروم ..
وشوية بهارات ايطالية او اوريجانو ,,
وأخلطيهم على النار ومجرد ماتختلط مع بعض زين ,, صبيها فوق
الصدور ,, ورشيها بجبن موزاريلا وتوصي شوي ,, وإذا حابة
تضيفين جبنة بارميزان
تطلع احلى واحلى ,, ودخليها المايكرويف لحد ماتذوب الجبنة ,,
ورشي الطبق بأوريجانو شوي للزينة بس ..
وقدميه مع البطاطس المقلي أو رز ابيض أو خبز ..
زووووووووم 
الطبق الرابع :
ஜ]¦[‗ـ−Ξ تشيلي فرايز Ξ−ـ‗]¦[ஜ
قبل لااكتب الطريقة ,, أول شي أعتذر من البنات اللي راسلوني على الخاص
يستفسرون عن الطريقة ,, وتأخرت عليهم ,,
واقول لهم ,, هذا الطبق إهداء لكم : 
المقادير :
بطاطس مقطع طوال << استخدم الجاهز
لحمة مفرومة
بصل مقطع
ثوم
ملح
بهارات عادية + بهارات التاكو
طماطم مقشرة << مفرومة بالخلاط
جبنة التاكو (اللي هي عبارة عن تشيدر مبشورة + موزاريلا)
أخذتها من السيفوي ..
وممكن تستخدمين أي نوع ثاني ,,
مخلل شرايح الفلفل
الطريقة :
تحمرين البصل بزيت زيتون ,, وتضيفين اللحمة
والثوم والبهارات كلها والملح ,, وحركيها زين
وبعدين اضيفي الطماطم ,, وحركيهم مع بعض لحد ماتتسبك الخلطة
اقلي البطاطس عادي ,,
وجيبي صينية بايريكس ,, وحطي شوي كمية الجبنة
بعدين البطاطس بعدين اللحمة,,
وفوقها حطي كمية كثير نوعآ ما من الجبنة ,,
آخر شي على الوجه ,, وزعي الفلفل الشرايح على الجبنة
ودخليها الفرن لحد ماتذوب الجبنة زين ,,
وقدميها مع الساور كريم ..
أتمنى تعجبكم أطباقي ,, 
وبالعافية على قلوبكم ..