السلام عليكم
هو الموضوع شوية محيرني،
بأكون موجود في الصيدلية و في عز
زحمة الشغل،
يجيلي واحد شكله مش تمام و يسأل
عن دوا من أدوية الجدول، أو مش جدول بس
بيستعملوه كمخدر،
فقدامي حل من اتنين،
إني أقوله معنديش، مش بنجيب أدوية جدول، و في الحالة
دي غالباً هيمشي و هو ساكت لو مكانش جاي ناوي يتخانق
مع العلم إني عندي الدوا اللي بيسأل عنه
و إن الصيدلبة فعلا فيها جدول
أو أقوله عندي بس مش هأديلك عشان إنت شكلك مدمن،
أو عشان مش بيطلع من غير روشتة،
وفي الحالة دي ممكن يتخانق و يشتم و يكسر، او على الأقل لو كان محترم شوية
هيقعد ساعة يحلف إنه مش بيدمنه و إنه عايزه لأخوه اللي في
المستشفى
و بالتالي هاتعطل كتير أوي على ما يقتنع و يمشي و غالبا هيرجع تاني
و نعيد القصة من الأول
في الظروف هل يجوز الكذب؟ و ممكن نعتبر ده من الكذب المباح؟