|
عايزه تكسـبى ود حماتك بجد تعالى واتحدااااكــى
الناقل :
elmasry
| العمر :42
| الكاتب الأصلى :
dodo
| المصدر :
www.konyonsa.com
كلنا عارفين ان الحما هى الراس الكبيره .. راس الافعى فى المعركة الزوجية اقصد في الحياة الزوجية ازاي بقى نكسب ودها عشان نتقي شرها وعلى رأي المثل @دلل حماتك واكسب ودها أحسن ماتفتحلك طاقة ماتقدر تسدها) p
لازم نستعد يابنات بكل أسلحتنا وعلى رأي المثل اللي تغلبه العبه
أولا على حسب نوع الحموات
_لو حماتك مادية اكسبيها بالهدايا ايشي ازازة برفان على حتة قماش على اتنين كيلو موز .. المهم متدخليش عليها بإيدك فاضية ولا هتبقى ليلتك مش معدية وعلى رأي المثل اطعم الفم تستحي الودان :&&
_اما لو حماتك ليها فى القرع المباشر اديها دلع على سهوكة
على شوية كلام مزوق "أنتي حبيبتي ياحماتي انا مليش غيرك
ربنا يخليكي ليا ومش عارفة ازاي أصحابي بيشتكوا من حمواتهم
ده انتي نسمة, بلسم , ده أنتي زي ماما ويمكن أقرب كمان"
شغلي اسطوانات مدرسة القرع المباشر وعيشي ))
_أما بقى لو حماتك عايشة دور منال العالم وعاملة فيها
الشيف يسري .. وكل شوية تخترع أكلة وهى أكلها استغفر
الله العظيم .. كلي كل الأكل بتاعها وأنتي ساكتة
وأوعي تقولي اي تعليق كده ولا كده في الأكل ومفيش
مانع لو تشتريلها كتاب أكلات وحلويات وقوليلها عاوزه
أدوق كل الأصناف دي من ايدك ياطنط
وياسلام بقى لو اتصلتي بيها تسأليها على وصفة
من وصفات أكلها الجبارة
كده هتبقى حبيبتها وكفاءة *_ -
-أما لو حماتك بخيلة وجلدة ومبيهونش عليها القرش
سمعيها حكايات عن تبذير الناس ومفيش مانع لو تتريقي
على حاتم الطائي نفسه .. وقوليلها يرضيكي ياطنط
الواد حماده ابني عاوز ياخد مصروف ربع جنيه بحاله
ايه هو فاكر القرش بيجي بالساهل ده احنا بنتعب ونشقى عشان نجيبه ..
خليكي كريمة معاها في الحكايات عن البخل وفوائده السبعه وسابعين -_*
وأوعي تكوني كريمة معاها في حاجة تخص الماديات p
_أما لو حماتك مقضياها ضحك على الفاضي والمليان
دايما منشكحة كده متعرفيش اذا كانت طيبة ولا شريرة
دي أمرها هين شوية ,كفاية ابتسامتها الرقيقة البريئة اللطيفة
وعلى رأي المثل( ان كتر ضحك حماتك خاف على نفسك وحياتك)))
_ أما بقى لو حماتك متقلبة المزاج مرة كويسة ومرة ناقصها المقشة بس
وتبقى الساحرة الشريرة
دي مفيش قدامنا غير حل واحد نهديها اغنية صافيني مرة تيرارا وجافيني
مرة تيرارا ومتنكديش عليا كل مرة صافيني مرة وجافيني مرة $$
_ أما بقى لو حماتك سوسة من قدامك بوش ومن وراكي
ب 85 وش.. تفضل توسوس لابنها وتوقع بينكوا
دي بقى تستعدي لها بكل الأسلحة اللي فات
واحذري منها ع الاخر وعلى رأي المثل (( الحما حما وام الزوج عقربه سامة)
وبكده قدمتلكوا أسلم الطرق لتفادي حركات واشتغلات الحموات p
,,وبصراحة الحموات طيبات فاتنات جميلات , من الاخر سو كيوت خالص
منقدرش نعيش من غيرهم وهنيالك ياللي ليك حما p
واخر مثل بقى اعذروني
( انكوى بالنار ولا حماتى تقعد فى الدار )
|