|
تمرجى وعامل فيها دكتور ...ج 2 .
الناقل :
sherif hosni
| العمر :58
| الكاتب الأصلى :
sherif hosni
أهلاً بيكم ياحبايبى الحلوين ...النهاردة بقى حانكمل مع بعض بقية الموضوع المُهم اللى إحنا إتكلمنا فيه المرة اللى فاتت .
فاكرينُه ..؟ أيوه الموضوع بتاع السُكر ....وكان الكلام بتاعنا نلمُه فى كلمتين ...إن خلايا بيتا اللى موجودة فى البنكرياس ...إتظلمت مع عم التمرجى ..واللى عاميللى فيها دُكتور ..وماباقيتش تفرز إنسولين ..وده كان النوع الأولانى من مرض السُكرى .........
بسبب الله يخرب بيتُه ..!!!! لأ ....أنا مش قصدى التمرجى ..أنا بتكلم على المُنشط الموجود فى الحُقنة .
بس النهاردة بقى حانتكلم على النوع التانى من مرض السُكرى ,وده بيجى للناس اللى عدى سنُهم الأربعين ربيعاً ...بس هنا الوضع مُختلف تماماً...إزاى..!!!!!
البنكرياس تُبص عليه وتلاقيه سليم ..وإفرازاتُه طبيعية ,بس حصلت حاجة غريبة قوى !!!!!
الجسم هنا بيجيلوا حاجة إسمها "مُقاومة الأنسولين" ,يعتى يبقى البنكرياس يبقى زى الفُل ...بس مايقدرش يتعامل مع الأنسولين ...شوف سبحان الله موجود وزى قلتُه !!!
وطبعاً ياعم النجم إنت وهو ده معناه إن السُكر يبقى عالى قوى فى الدم ,وطبعاً البنكرياس نفسيتُه بقت زى الزفت ..ماهو مابقالوش شُغلانة ...ومُجهد وتعبان ...ومن كتر تعبه , يحس إن نفسُه إتقطع ...وفى الأخر خالص نلاقى إفراز الأنسولين بيقل ,عرفتوا بقى يعنى إيه "مُقاومة أنسولين "؟ يعنى يبقى سليم ,وكأنه مش موجود ...سبحان الله !
..وياعينى على اللاعب اللى محتار يصدقْ مين ! ويكدبْ مين !!وتيجى تُقولُ لعم التمرجى كلمتين علشان يراعى ربنا فى اللاعب المسكين , ساعتها يبقى نهارك أبيض ! والمُشكلة إنه بالرغم من كل ده , مصدق إنُه دكتور !!!!
|