من كام سنه قالوا فيك كلام..كل الكلام
وخلص الكلام
دلوقت جايين يشمتوا ويفتحوا فى حرب وسلام
مش هم دول نفس اللى قالوا احنا اخترناك
اي اللى حصل ..راح فين كلامهم
ولا طار ويا الحمام
وعدوك بروحهم يفدوا روحك
كذبت وعودهم ولا حتى صدقت فى المنام
من كام سنه عملوك امام
وكنت قدوه لكل واحد م الأنام
دلوقت قالوا على البطل قتل البطل
والقصه خلصت
وابتدا عهد الحرام
بيقولوا قال انك حرامى
حرمت عيشنا نشرت بينا سنين خصام
كان فين كلامهم من سنه
ماهى غلطتك
انت اللى رخيت اللجام
صعبان عليا ان المنافق يخدعك
ويلسوعك على جتتك باتخن حزام
من كام سنه قالوا فيك كلام
ضحكوا عليك خلوك تنام
واما وقعت بسلطتك زاد الكلام بس بملام
مش هم دول اللى انت قولت ولاد ولادى
وسيبتهم 30 سنه فى امن وسلام
راحوا فين ولادك فين شعبك الصلب الهمام
كانوا اول الناس اللى باعوا
واللى قالوا عليك كلام
شخصك عظيم .. انسان بطل
لكن اللى حواليك ضيعوك
ادوا الضعيف حق الرغيف حبة كلام
وان جيت فى مره تسال الناس عامله ايه
يقولولك الشعب انبسط
من كتر خيرك شبعانين حب وغرام
ماهى غلطتك..لو كنت شفت الناس بعينك
كنت شيلت سنين الام
وماكانش يبقى عليك كلام.