ياعيني ياعيني .. ياعيني ع الزمالك .. ياعيني ياعيني .. ياعيني ع النادي .. الفريق ابوخطين حمر وسط فانيلته ضاع وتااه ياولداه وسط شكاوي لاعيبتوه .. ان ان ان أأأأه قبل ليلتين على الهواء مباشرة من الكويت و بعد منتصف
الليل قدمت لنا فرقة ساعة لقبك الكروية التابعة لنادي الزمالك للالعاب الرياضية حلقه من احدث مسلسلات الست كوم موضة اليومين دول على شاشة مودرن سبورت ام علامة صفراء بعد منتصف الليل .. وعنوان حلقة النهارده
(قبضونا) وهي من تأليف وسيناريو وتلقين واخراج فلة من لاعبي الفريق الاساسي بالنادي وبالمناسبة دي حاجة جديدة على مدرسة الفن والهندسة بمعنى ان العمل غير مسبوق بالمرة .. واطرف حاجة بحلقة قبضونا ان
الجهازين الاداري والفني ما عندهمش لاعلم ولاخبر بالموضوع قال ايه فاكرين ان اللعيبة بسابع نومة بعد نهاية اخر مبارة تجريبية بالكويت .. واتاري اللعيبة عاملين كونسلتو بالظلمة باحدى غرف فندق المعسكر .. ماعلينا
نرجع لموضوع الحلقة وهو يدور على كلامهم حول الشكوى المرسلة منهم لاتحاد الكرة بخصوص عدم استلامهم لرواتبهم المتأخرة من قبل كم شهر وده مضايقهم على الاخر لان وراهم اقساط والتزامات ووو حاجات كتيرة ..
وان التاخير ده مالوش علاقة بالملعب لانهم حيقدمو الكتير لاسم النادي اللي بيلعبو فيه وبيموتوا من اجل رفع اسمه بالعالي .. وهم بعز الكلام دخل على خط البرنامج المدرب اللي كان مذهول من اللي بيسمعه عبر التلفزيون وهو
بيقول ماعنديش خبر بموضوعهم واللعيبة تجاوزوا باتصالهم باخر الليل بالبرنامج كل الطرق الشرعية والحدوود المرسومه ليهم من قبل الجهازين الاداري والفني .. والكلام اللي بيقولو عليه هو حال الكل بمصر لان الحال واقفه
وكل افراد الفريق ماتقبضش مش هما بس والناس ساكته حتى يحين يوم الفرج .. وقبل قفل الخط من لادنه اعلان المدرب تمسكه بالنادي وبجماهيره وتوت توت توت اتقفل الخط من اللاعيبة والمدرب وبكدا انتهت حلقة
(قبضونا) لفرقة ساعة لقلبك الكروية .. وربنا يجيب العواقب سليمة ومانشوفشي حلقة «الهروب الكبير».
ألووو اخير: سؤال بريء من قبل كاتب هذي السطور وكم مشجع زملكاوي هل تكون هذه الحلقة هي بداية حلقات نهاية نادي الزمالك الكبير من عالم الكرة العربية والمصرية؟