من أنجح الطرق التعليمية للأطفال الصغار هى جذب أكبر عدد من حواس الطفل أثناء عملية التعلم ... عشان كدة الأطفال بيحبوا الفيديوهات التعليمية جداً... لأنها بتكون مسلية ومليانة ألوان وحركة وكمان الكلمات بتثبت فى ذهنهم مع التكرار ... فى الموضوع ده ان شاء الله حنحاول ننزل وسائل تعليمية بتشتغل على الحواس ... سواء فيديوهات أو power point presentations PPs حنحملها والأطفال حيشغلوها بأيدهم ......أهم حاجة يكون الطفل فى مود كويس... ويكرر ورا الأم مع تشجعها ليه طبعاً... ويستحب كمان اننا نعلمهم بالموضوع"Theme" عشان تكون حكاية مسلية ليهم يفتكروها بتسلسل ...والأم تطبق ده كمان على الألعاب بتاعتهم ... حيوانات .. مكعبات ... بيوت ..عرايس ....نتكلم على الألوان والأعداد والأشكال والملابس ... واحنا بنتعلم اى لغة سواء عربى او English .. French .... وكل ام وشطارتها ... تحاول تربط المواد ببعضها .... يعنى نربط مبادىء الscience بالدين وقدرة ربنا سبحانه وتعالى على الخلق ... ... وان شاء الله نعلم أولادنا كل شىء حتى الجغرافيا ...عشان الطفل يتعرف على البيئة اللى هو عايش فيها و محدش يقول ده صغير ... بره بيعلموا كل المواد قبل سن المدرسة أصلاً والأولاد بتستوعب والله ... وقبل ما نبدأ المشوار تعالوا شوفوا معانا العيال دى لأن أولادنا مش اقل منهم ذكاء