|
عايزه تعملى مقلب حلو فى خطيبك ؟ تعالى وقوليلى رأيك
الناقل :
SunSet
| العمر :36
| الكاتب الأصلى :
أم يوسف
| المصدر :
www.koneyakon.com
أنا لحظت إن في بنات كتير نفسها تعمل في خطبها مقلب
بصي يا حلوة لما خطيبك يبقى عندك استغلي فرصة إن يدخل الحمام أو اتفقي مع أي حد إنه يشغله لحد ماإنتي تخلصي
وخدي موبيله و غيري اسمك عليه على حسب الشبكة اللي هو فيها
يعني مثلا " هو vodafone ومسجلك على موبيل baby "
هاتروحي إنتي مغيرة babyدي وتخليها vodafone....... فهمتي حاجة ؟؟!!!
المهم كده خلصنا من أول خطوة
تاني خطوة بقى تبقي عارفة هو معاه رصيد كام ... وياحبذا لو لسة شاحن بقى يبقى فل قوي
يعني مثلا معاه رصيد 30 جنيه قشدة؟؟
هتروحي باعتله رسالة من موبيلك تقوليله " لقد تم خصم مبلغ 25 جنيه من رصيدكم وذلك للتبرع بيها لضحايا السيول وشكرا على حسن تعاونكم"
وشوفي بقى رد فعله نيهاهاهاهاهاهاه
بس انصحك نصيحة لما تيجي تقوليله شربت المقلب ابقي خدي حذرك وخليكي في الأمان يعني ورا باب الشقة وخدي ديلك في سنانك
وأنا غير مسئوله عن أي اضرار هتحصل ههههههه
ملحوظة المقلب ده ممكن يتعمل في أي حد بجد مقلب جامد
آخر حاجة بقى بلاش الحاجات النص كم و اللي تدخل ويعجبها المقلب ياريت تكتب وتقول وبرضه اللى معجبهاش تقول برضه
|