آه ياوجدي على شمس الحقيقه
لي رفيقٍ ماحفظ غيبـة رفيقـه
يـوم قفـى بالعراقيـب شذبـه
الصديق اللي تردا فـي صديقـه
ماستحى من كبر دقنـه وشنبـه
ماترك خطه ولا سـار بطريقـه
يـوم روح بالمشاهيـب عقبـه
والله ان القلب في وسطه حريقه
والصحيب يزيـد فيهـا بحطبـه
الحقيقه مـر وجـروحٍ عميقـه
اسئل اللي صافي المـر شربـه
كم طلبت الصدق من ناس صديقه
مثل مـن يطلـب لثـاره برقبـه
كم عطيت الصبر فوق اللي يطيقه
لين وفى جايـر الوقـت طلبـه
وقتنا يهدي وسيع البال ضيقـه
لابدا فرحه علـى طـول كربـه
صادق الاشواق فالواقع غريقـه
وسط وحلٍ يغرق اللي طاح ابـه
مايفيد الصدق لا ضيـع بريقـه
لا لقـاه الكـذب صـده وسلبـه
دنيةٍ في حالنـا تلعـب طليقـه
لين حطت من ورا الباب عتبـه
كم بدا التقصير في روسٍ حليقـه
وكم وفيٍ مـادرا باللـي نهبـه
آه ياوجدي على شمس الحقيقـه
في زمانٍ يجرح اللي عاش ابـه