قصيدة آه ياسود الليالي
ياصباح الورد ياذيك العيون النرجسيه
سلهمي غضي بصرك ولا تزيدين المواجع
لا تزيدين الجروح اللي بقلبي داخليه
خل جرحي لاتثيره دام جرح الحب هاجع
أن ذكرت احلا الليالي طابت جروحٍ دميه
وأن طرا يوم المفارق ؟رد جرح الشوق راجع
آه ياسود الليالي وش بعد؟ تخفين ليه
كل ماقلنا سلينا ذكرتنا بالمواجع
ياسقا ليل اجتمعنا فيه انا وانتي سويه
يوم صوتك في سمايه طول ذاك الليل ساجع
يوم انا وانتي نسولف بالسواليف البريه
والقمر والليل شاهد يوم خلقه بالمضاجع
أشهد أن دنيا المحبه في توا ليها رديه
والله انه من سببها صار هم القلب ناجع
والله انها مثل سمٍ سايلٍ من ناب حيه
أول المرسال بشرا وآخر المرسال فاجع
ولو صحيح الحب يقتل؟كان واجهت المنيه
كان قيل سنيين عني مات والدنيا مواجع