وصفه بسيطه وسهله وطعمها يجنن
اسمها زنود الست
محشيه بالاشطه
المقادير
علبه عجين السمبوسه ( الطويله)
ملعقه طحين مخلوطه بشويه ميه ( بتبقى زي الصمغ لزوم تقفيل الصوابع بعد حشوها عشان ماتفتحش بالقلي)
الحشو:
مقدار كبايتين لبن متوسطين
ربع كوب نشاء ذره
ملعقتين سكر
علبة اشطه ( اي نوع)
ملعقتين سميد ناعم ( سامولينا من بتاع البسبوسه)
...
بغلي اللبن وبعدين بضيف ليه السميد وبعدين السكر ولما يفتح حبوب السميد اضيف ليه النشا لحد مايتجانس الخليط ويبقى تخين وغليظ ولما يمسك كويس اطفي النار عليه.. وافتح عليه علبه الاشطه واحركه واسيبه لحد مايبرد
احشي عجينه السمبوسه بالحشو واعمله على شكل صوابع يعني الفها مدوره زي الصوابع واقفلها عند طرفها من الاخر بشويه من الطحين مع الميه عشان ما تفتحش
احمي زيت واقلي فيه الصوابع لحد ماتحمر
الشربات يكون فيه ميه ورد وميه زهر لازم يكون بارد اغطس فيه الصوابع بعد القلي مباشرة وهي سخنه لمده اقل من 30 ثانيه وانشلها عشان ماتبقاش طريه
وبالهنا والشفا :p