صحبتى حبيبتى سناء وزميلتنا كمان فى الواحه قالتلى على طريقه جديده لتخليل الليمون
طعمه جدا وسهله جدا وكمان شكلها لالوان مكونتها جميله جدا
شوفوا بقى
اغسلى الليمون كوبس اوى
اقسميه بالنص واخرجى البذر _عند استخدام الليمون خالى البذر يسلق صحيحا
اسلقيه نص سلق
اشطفيه كويس من مية السلق
انقعيه فى ميه بارده لمده يومين مع تغيير الميه مره كل يوم
بعد اليومين اشطفيه
حطيه فى الكبه لفتين بس يكون قطع يعنى مش تهريه
حضرى جزر اصفر وبرده لفتين فى الكبه _يكون قطع صغيره_
وبرده فلفل احمر وفلفل اخضر فى الكبه لفه يكون برده قطع صغيره
اخلطى الليمون مع الجزر والفلفل الملون مع ملح وعصفر وحبة البركه واعصرى حوالى ربع كوب صغير ليمون عليهم
غطيه كويس لمدة يوم
وبالف هنا
عن تجربه لذييييييييييييييييييييييذ جدا