السلام عليكم ورحمة الله وبركاته
اليوم جايبة لكم طريقة معكرونة بالبطاطس واللحمة على طريقتي ان شاء الله تعجبكم
المقادير ل 8 أشخاص
9 حبات بطاطس متوسطة الحجم مسلوقة
كيس معكرونة
جبن كرافت
قشطة
لحم مفروم مطبوخ مع البصل والبهارات (على الطريقة المعتادة)
زيت وملح
فلفل أسود وفلفل أحمر
الطريقة:
نغلي الماء ونضيف لزيت والملح ونسلق المعكرونة
نقشر حبات البطاطس ونهرسها هرس مو أي هرس ولو عندك خلاط قوي ويستحمل هرسي البطاطس فيه
نضيف على البطاطس المهروسة الملح والبهارات حسب الرغبة
على النار نحط نصف علبة قشطة و9 ملاعق كبيرة جبن كرافت تقدر تزيدي او تنقصي حسب الذوق
لين يتجانسوا ثم نرفعها من على النار
نخلط صلصة القشطة والجبن مع البطاطس المهروسة
نحط المعكرونة في الصينية ونضيف عليه نصف مقدار البطاطس المخلوط مع الصلصة
ونحاول قد ما نقدر نخلطهم بعدين نضغط عليهم بملعقة
بعدين نحط الطبقة الثانية اللحم المفروم المطبوخ
والطبقة الثالثة نحط بقية البطاطس المهروس المخلوط مع الصلصة
وندخلها الفرن تتحمر وتتماسك تقريبا نصف ساعة
وصحة وعافية
نسألكم الدعاء