السلام عليكم ورحمة الله وبركاته النهاردة او الاصح امبارح يعني عملت ايس كريم مانجو بس مقلكوش تحفة هو الفكرة مش بتاعتي بتاعت العضوة في نور الاسلام ربنا يكرمها لازم تجربوه المقادير : 1 كوب لبن 2 معلقة نشا 1 كوب مانجو مقشرة ومقطعة وممكن اي فاكهة تانيه 1 كوب سكر فانليا 2 صفار يبيض معلقة صغيرة عصير لمون الطريقة: نضع اللبن يغلي وبعدين نحط عليه نصف كوب السكر وبعدين ندوب النشا في ربع كوب لبن ونضيفها علي اللبن المغلي ونقلب بسرعة عشان ميكلكعش وبعدين نضع عليهم صفار البيضتين ونسيبهم يغلوا غلوا عشان البيض يستوي وبعدين نشيلها من النار ونسيبها تبرد تماما ونجيب المانجو ونحطها علي النار ومعاها نصف كوب السكر الباقي وعصير الليمون ونقلبهم لحد لما تبدا تغلي نطفي عليهاونسيبها تبرد برده وبعدين نضيفهم علي بعض وندربهم في الخلاط ونحط الفانيليا ونصبهم في فاحجة يفضل تكون استانلس عشا يجمد اسرع ونسيبه في الفريزر من بليل للصبح ودوقي احلا ايس كريم طبيعي في الدنيا لو عجبكم الموضوع اوعوا تنسوا التقيم واسيبكم مع الصور بقه الي فوق المانج وده اللبن والنشا وصفار البيض وهنا ضربتهم في الخلاط وحطتهم في العلبة