كبيـــــــر المستكنين
--------------------------------------------------------------------------------
بسم الله الرحمن الرحيم… وبه نستعين أما بعد
السلام عليكم ورحمة الله وبركاته…
أريد أن أخذ أرائكم لهذه القصة إذا امكن وأتمنى من الجميع المشاركة…
هذه قصة شاب سعودي يدرس في المرحلة الجامعية مع أهله وكانت علاقته مع أهله متوترة ولكنه كان مطيعا لهم إلى أن اتى ذلك اليوم… في نهاية العام الدراسي وقبل بداية الاختبارات تعرف صديقنا على مجموعة جديدة من الأصدقاء كما كان يطلق عليهم ولكن…
قبل أن ندخل في إحداثيات القصة اريد ان أعطيكم نبذة صغيرة عن صديقنا:
إسمه بدر وعمره 22 طالب متفوق ومطيع لوالديه طموحه في الحياة أن يحصل على منصب وظيفي محترم (على قولته) في إحدى الشركات العالمية في قسم العلاقات العامة. شخصية بدر تعتبر من الشخصيات الحسية أي أنه حساس جدا.. شديد العصبية والزعل ولكنه يرضى بسرعة… من طبع بدر إنه يحب يجرب كل شي جديد (عبط البراءة) من القفز بالمظلة إلى الغوص وحتى في السفر فإنه يحب أن يرى العادات والتقاليد للمدن الأخرى…
ونرجع للقصة…
كانت هذه الشلة مجموعة مكونة من 4 أشخاص: المستكن(محمد) كما يسموه الجميع ( يتميز بالصبر والدهاء ولكنه من أكبر مدمني الحشيش في البلد). 2- المنبرش (فهد) وكان شخص يحب المشاكل ولا يحب الخير إلا لنفسه ولكل من يشاركه جلسات البلوت وأكل الحبوب.
3- الفـــاهي( ناصر) : وكان كما يقول أعضاء الشله إنه ياكل الحشيش اكل وما يدخنها بذوق.. يعني أكثر من المدمن…
4- الجنرال (علاء) : وكان أعقلهم.. يحافظ على الصوات في المسجد ولكنه يحشش…
شله بريئة كما كان يراهم بدر.. تعرف بدر على فهد في البداية بما انه فهد يدرس في نفس فصل بدر.. وبما ان بدر طالب مجتهد وفهد طالب مو بس مجتهد إلا انه يقطع الكتب و48 ساعة صاحي ويحاول انه يفهم بس مانقول إلا (عزي له من ذليله غراب طاح بفطيسه) يعني ماعنده سالفة… فطلب فهد من بدر أن يذاكر له وقت الاختبار فوافق بدر وبدأ بدر بتدريس فهد كل خميس وجمعة وفي يوم الاربعاء الموافق 1/1/1111 ميلاهجري عزم فهد الشله وكان يبي يعرفهم على صديقه الجديد بدر.. ولكن بدر تأخر علشان تعرفون أنتوا الرياض ماشألله اللي يبي يطلع الساعة 8 الليل لازم انه يحرك من البيت الساعة 4 العصر.. المهم .. إقترح ناصر إنه يستكنون علشان السهرة ( يستكنون يعني إنهم يدخنوا الحشيش و ويشربوا اذا توفر ) وقول انه الشلة هذي ماتنقطع من الحشيش والحبوب والشراب… المهم وصل بدر الى العزيمة متاخر بنص ساعة المهم دخل البيت وفجأة شم ريحة دخان فسئل فهد انت تدخن قال له لا بس الشباب اللي عندي يدخنون ويعسلون المهم دخل بدر وتعرف على الشباب.. ومن قوة العجة (العجة هي الدخان الناتج عن التدخين والتحشيش والتعسيل) تأثر بدر فطلب إنه يروح لدورة المياه علشان حس بدوار ويبي يغسل وجه علشان يصحصح.. في هذي الاثناء وفي المجلس كان فهد يسئل الشباب عن رائيهم ببدر فقاله الفاهي انه ماينفع نتعرف على واحد ما يدخن ولا ياكل حبوب ولا حتى يعسل.. فرد فهد وقاله من قال لك انه ما ياكل حبوب وشال حبة وحطها بالشاهي (طبعا الحبوب هنا مو حبوب بنادول هههههه بس حبوب مسهرة) وقام يضحك .. وجاء خوينا اللي مايدري وين ربنا حاطه وشرب من الشاهي حتى خلصه.. المهم الشباب قاموا يلعبون بلوت وفي نص اللعبة ماشافو الا خوينا قام يضحك لحاله وقام يسولف مع نفسه… وقام محمد وجلس جنب بدر وقاله ترا الموضوع كذة كذة وكذة (قاله ايش سووا له الشباب) في هذا الوقت بدر صحيح انه يشوف ويسمع بس والله لو قالوا له رح لبيروت مشي كان ما راح مشي الا كان راح وهو يجري… وهذا كله من الحبة اللي حطوها له , قام علاء بعد ما حس انه الموضوع زاد عن حده وراح يكلم بدر وفهمه وش هي هذي الحبوب ووش فوايدها ووش اضرارها وطلعت النتيجة كالآتي ( فوايد 0 والاضرار عد واغلط) وبعد ماشرح علاء لبدر الموضوع.. تهيأ لعلاء انه بدر فهم ليش؟ لانه بدر إستئذن منهم علشان يبي يروح البيت وينام.. سلم على الشباب وهو طالع سئله فهد كيف حاسس جوك ؟ رد عليه بدر والله احس انه الشباب اللي في المخ كلهم شغالين واحس نفسي نشيط وودي لو اروح الحين واركض لمدة 5 ميل… هههههههههههههه ضحك فهد بكل خبث وقاله اذا جيتني كل يوم راح اخليك مو بس تركض الا راح اخليك تقلع وتصير فوووووق السحااااب… سئله بدر كيف فوق السحاب .. قاله فهد إذا جيتني بكرة راح تعرف وإنشالله انتوا راح تعرفوا بس في الجزء الثاني من ((( كبير المستكنين)))..
وشكرا وارجوا انه يكون الجزء الاول عجبكم…
بسم الله الرحمن الرحيم...
كما عرفنا بالجزء الأول بدر إنغش بالشاهي لأنه فهد حط له حبوب... المهم بدر رجع البيت وقاعد يفكر بكلام المستكن عن الطيران ومالطيران على باااله بسافر... من قوة الحبوب ولأنه بدر أول مررة يجربها ماجاه النوم وكان جسم بدر مشدود ومتصلب... وفجأه.... قام من السرير وراح لبس ملابسه ونزل للشارع وشغل سيارته وإتصل على المستكن وقاله: محمد أنا أحس نفسي متصلب وماني قادر أنام وحاس نفسي نشيط.. رد عليه محمد وقاله اكيد راح تكون نشيط هذا لأنك (( لجج))... وشو لجج يرد عليه بدر.. تعال وانا راح افهمك السالفة من طقطق للسلام عليكم... وراح بدر ماشي مليوون وفي راسه أكثر من سؤال وشو لجج؟ وين بتكون رحلتي وعلى أي خطوط راح أقلع كل هذي الأسئله قاعدة تدور وتجول براس خوينا ((( مايدري وش السالفة)))... وصل بدر إلى شقة الشباب ودق الباب وفتح له ناصر.. طبعا ناصر أول مافتح الباب دخان الحشيش وصل في نص منطقة المخيخ عند خوينا...بدر ىيطالع وجه ناصر ومستغرب ... وبعد 5 دقايق من التأمل في وجه ناصر دخل عند الشباب وهو داخل يسئل ناصر ليش عيونك حمراء وصايرة زي أهل شرق أسيا (( على باله يذب)) رد عليه ناصر :: لأني مستكن؟؟.. وشو مستكن يرد عليه بدر.. ناصر :: راح تعرف كل شي اليوم... دخل بدر على الشباب وسلم عليهم وجلس.. الشباب كانو مجهزين مفاحأة لبدر.. كانوا مسوين شيشة ملغمة.. ملغمة بلغة المستكنين ((( شيشة مخلوط المعسل حقها مع الحشيش))) وقالوا لبدر تعال إجلس وعسل وريح مخك وإنسى هموم الدنيا
( ومحدش حينفعك)) والكثير من من هالعبارات... صديقنا متعود على المقاهي كل يوم يحط 20 ريال شيشة.. والحين تجيه شيشة ببلاش ... عسل بدر وعسل ومافي إلا قوة حرق ومستانس يقول للشباب وش نوع المعسل هذا بأشتري لي كيلو منه... بعد كم (( موش)) يعني نفس طاح اللي من يد بدر وبدأت رحلة بدر في عالم الحشيش والإستكنان وكانت هذي هي بداية نقطة التحول عند بدر... بدر حاس الدنيا قاعدة تلعب فيه طائرة يمين يسار وإرفع وإكبس... المهم جاء محمد لبدر وقاله هاه كيف راسك ثقيل.. رد عليه بدر والله لو جيت للصراحة ما حس انه راسي موجود الحين.. كيف تحس (محمد يسئل بدر)))... بدر يرد والله أحس نفسي فوووق طاير... رد عليه محمد وقاله هذا يعني إنك مستكن وإنك محشش... بدر سمع كلمة محشش وتغير وجهه وبدأت ألوان فصل الربيع تطلع على وجهه وبدأ يعرق والجو عنده خرب ... بعد ماكان مروق على الأخر قلب 180 درجة... قام بدر وقال لفهد وشو محشش خير ياخوي ماسرع ذبيت الميانة (مسوي عصبي وشديد وهو في وادي والعصبية في وادي) المهم محمد فاهم الموضوع وعارف مدى حساسيته فرد على كلام بدر وقاله أنت روح بيتكم ونام وبعدين لما تصحصح شف نفسك ودك تجينا حياك الله وراح نحطك بعيوننا وراح تصير واحد من الشلة واذا شفت نفسك ماودك تشوفنا ولا ودك تكلمنا فهذا شي راجع لك... طبعا محمد ماقال هالكلام عبث.. هو عارف من قوة تأثير المعسل والحشيش إنه بدر ماراح يقدر يقاوم في اليوم الثاني .. وإنه راح يروح لمحمد وشلته يحبي .... فرجع بدر للبيت وهذي المرة نام نومة الله لا يوريك... طبعا من أثار الحشيش: إنه يدعي للكسل والخمول, ويقتل خلايا المخ, وإذا أكثرت منه فإنه يدعي للسرطان وإنه يدعي للإدماان وإذا أدمن الواح فماله إلا يردد ياليـــل ما طولــــك
المهم بدر راح وإنخمد وطبعا إحنا كلنا مانعرف هل راح ينضم للفريق (الشلة ) الجديدة أو إنه راح يرجع ويعقل هذا راح نعرفه في الجزء الثالث من
كبيــــر المستكنيــــن
شكرا