+--بسم الله الرحمن الرحيم000
قصة فهدبن عبدالله
الجزء الاول00
عائلة عبدالله ابو فهد 00عبدالله ابوفهد رجل اعمال له تجاره واسعه 00وزوجته هي ام فهد 0وابنهم الوحيد فهد00 فهد عمره 30 سنه يعمل مع والده رجل اعمال فهد متزوج زوجته اسمها نوره وله ولد واحد اسمه ياسر عمره خمس سنوات00
وعائلة اخو عبدالله 00 ابوشاكر هو اخ لعبدالله له ثلاث اولاد شاكر عمره اربعين سنه 0وسالم عمره سبع وثلاثين سنه 0 وعدنان خمس وعشرين سنه0
ابوشاكر يحب جمع المال لاهم له في هذه الحياة الا جمع المال بخيل جداً
عائلة ابو عبدالعزيز 00ابوعبدالعزيز رجل متقاعد 0ابنه عبدالعزيز عمره واحد وثلاثين سنه عبدالعزيز متزوج وله ولد وبنت 0زوجته اسمها عاليه 0وابنه اسمه تركي عمره ست سنوات وابنته شهد اصقر من تركي 00عبدالعزيز له مكتب استقدام العمال وله شركه
نرخع لعائلة عبدالله ابوفهد 0ابوفهد رجل دين شيخ كبير اهم شي عنده في الحياةالدين اما علاقته با خوه فهي ضعيفه لايراه الا قليل وابنه فهد كذلك اهم شيء عنده الدين وبار بوالديه خصوص امه لا يخرج من المنزل ولا يدخل الا مقبل راس والدته
اماابو شاكر فهومضيع دينه راكض وراء ملذات الدنيا وكذالك ابنائه مثله
ابوفهد دخل بيته وكان حاس ان اجله قريب رقم انه مايحس بمرض كلما دخل بيته يوصي ابنه فهد على دينه يقول اهم شئ في هذه الحياة المحافضه على دينك وطاعة ربك ويوصيه على امه جلس ابوفهد في بيته يقرى قران ودخل عليه ياسر وجلس بجانب جده ولما انتهى من القراه طلب منه ياسر ابوالخمس سنوات انه يسمع له القران ولماسمع له جده صارحافض جزء كامل من القران اعطاه جده ثلاث مئة ريال وقال له هذي مكافه لك على حفض القران دخلت نوره عليهم وقالت انا وين مكافاتي اناالي حفضته القران اخرج ابوفهد شيكاته وقال اكتبي الي تبين يابنتي قامت نوره وحبت راس ابوفهد وقالت انا امزح معك انا يكفيني منك ياابوي انك عوضتني عن حنان ابوي الي فقدته وانا صقيره السنوات الست الي عشتها معكم هذي افضل ايام عشتها في حياتي دخل فهد البيت وراى ابوه وامه وزوجته نوره وهم يضحكون مع بعض انبسط واستانس ان زوجته باره بامه وابوه 0كلما دخل عليهم راى نوره مع امه نوره يتيمه ماتواهلها في حادث سياره عندما كانت صقيره تربت يتيمه مالها الا اخ واحد نوره تعتبر ام فهد وابو فهد مثل امها وابوها تحبهم ويحبونها ام فهد تعتبر نوره بنت لها تقول دايم انا ماعندي بنات وربي رزقني بنت
وفي يوم من الايام وابوفهد راجع من عمله تفاجا بسياره في الطريق مسرعه ومعاكسه صدم فيها حاول يتفاداها لاكن ماقدر وانقلبت به السياره عدة قلبات وجاءالاسعاف ونقلوه للمستشفى وهو قارق بدم في حاله خطره وفي نفس المستشفى كان ابوشاكر يسوي فحوصات ولما راى اخوه لم يهتم له بل اهتم بامواله قال في نفسه اخوي بيموت ولن احصل على ريال من امواله لو ماكان له ولد كان المال كله لي واخذ يفكر ويفكر وبعد برهه من التفكير قرر في نفسه على امر خبيث اتصل ابوشاكر على فهد ابن اخوه 00
اما فهد لما راى رقم جوال عمه استغرب اتصاله ماعمره اتصل0
ردفهد0السلام عليكم
ابوشاكر0انت فهد
فهد0 نعم انافهد خيرياعمي
ابوشاكر0 تعال للمستشفى باسرع وقت
فهد0ليش وش الي صاير
ابوشاكر0 ابوك سوى حادث والحين هوفي المستشفى
فهد رمى الجوال وركض مسرع مثل المجنون واخذمعه امه وزوجته ولما دخل المستشفى ام فهد ونوره لماراو ابوفهد وعرفو ان حالته خطره كل وحده اخذت تبكي في جهه الام ارتفع عليها الضقط وانهارت نوره تضم ام فهد معها وتبكي وتحاول تهديها 00اما فهد لما راى والده انهار وجلس يبكي عند راسه نوره تركت ام فهد مع الدكتور وذهبت تطمن على زوجها ولما رات زوجها حاولت انها تمسك نفسها عشان فهد نوره جلست عند زوجها تحاول تهديه وتخفف عليه 00نوره خافت على فهد لما راته منهار 0ولما راى ابوشاكر فهد جاء له ولما راته نوره ذهبت الى ام فهد تطمان عليها وهي في حاله لا يعلمها الا الله كانت خايفه خوف غيرطبيعي على فهد زوجها 00اما ابو شاكر لما جاء الي فهد ذهب معه الي الدكتور يسال عن ابو فهد قال الدكتور 0ابوفهد حالته خطيره جد ومحتاج تبرع دم عاجل
فهد00 تكفى يادكتور حاولو تسوون شي ساعدو ابوي انا اتبرع بدم لابوي
الدكتور 00 مايكفي تبرعك انت لازم تجيب واحد ثاني والمستشفى مايوجد فيها دم نفس فصيلة ابوك
فهد 00عمي دمه نفس الفصيله وينه
ابوشاكر رفض انه يتبرع بدمه لاخوه وفهد يصيح عليه ويحب راسه ويديه ويترجاه وهو منهار ويبكي يقوله تكفى ياعمي ابوي بيموت تكفى ساعدنا انا مستعد ادفع لك الي تبي لاكن ابوشاكر رفض طاح فهد عند رجلين عمه وهويبكي ويترجاه يساعد ابوه وابو شاكر قلبه مثل الحجر مايتحرك ورفض انه يتبرع لاخوه بدمه
قال فهد لدكتور0 خذو دمي كله عطوه ابوي
الدكتور 0مانقدر بناخذ منك كميه تكفيه اليوم وفي الغد انت ابحث عن احد يقدر يساعدك ونفس الفصيله
واخذو من فهد الدم وخرج فهد من الغرفه مثل المجنون يصيح في المستشفى ويبحث عن احد يساعد ابوه لما سمعته زوجته ام ياسر اتت اليه مسرعه وهداته قليل وقالت له ليش ماتتصل على اصحابك يمكن يقدرون يساعدونك قال فهد الله يجزاك خير من ضيقة الصدر نسيت اتصل على احد واتصل فهد على اصحابه ولما عرفو الخبر قالو له ابشر يا فهد بنبحث لك عن نفس الفصيله انتضرنا في المستشفى وبعد ساعه وفهد على احر من الجمر جااو اصحابه ومعهم ثلاثة شباب يريدون ان يتبرعو لابوفهد وبعد ماتبرعو قال لهم فهد اطلبو الي تبونه قالو نبي شئ واحد وهو سلامة ابوك شكرهم فهد وقال نعم الاصحاب عمي اخو ابوي الوحيد رفض انه يتبرع لاخوه وهو يراه بين الموت والحياة
ذهب فهد لدكتور يسال عن ابوه قال الدكتور ابوك حالته خطيره ماتحسن
قال فهد 0يادكتور تكفى ساعد ابوي اهتم فيه
الدكتور00نعمل الي علينا والباقي على الله اذهب للبيت الحين ماله لزوم تجلسون هنا ابوك ممنوعه عنه الزياره
حاول فهد مع الدكتور انه يخليه يجلس مع ابوه لاكن الدكتور رفض قال ممنوع
اخذفهد امه وزوجته وذهب للبيت
اماابو شاكر فكر في خطه تخلصه من فهد وقال لعياله عن خطته واتفق معهم على تنفيذها
كان لدى ابو شاكر اصحاب في الهند اتصل عليهم واتفق معهم على الخطه وقال لهم اذا تمت الخطه بيدفع لهم ربع الي يكسبه من حلال فهد الهنود وافقو على طول
ابوشاكر طلب من عياله ان يذهبون ويجلسون لدى باب المستشفى واذا راو فهد يمسكونه وياتون به على طول لدى ابوهم
ذهبو عيال ابو شاكروجلسو لدى باب المستشفى ينتضرون فهد
اما فهد بعد ماوصل اهله للبيت جلس مع والدته وهي تبكي وقال فهد لامه
فهد0انت ياامي نضر عيوني انتي جنتي وناري لن ادعك تحتاجين إلى شئ وانا موجود
ام فهد0 بارك الله فيك اهتم في نفسك ياولدي
قال فهد انا ساذهب قليل لارى والدي وارجع و طلب فهد من نوره ان تجلس مع والدته الي ان يرجع
نوره0ساذهب معك للمستشفى 0كانت خايفه على فهد وماتدري وش سبب خوفها
فهد0 لا انا ساذهب وانتي اجلسي مع امي انا لازم اتطمن على ابوي
ذهب فهد للمستشفى ولدى باب المستشفى راى عيال عمه استغرب ليش جالسين هنا جااو عيال عمه له وقالو له ان والدهم في البيت مريض جدً ويريد ان يراه قال فهد
فهد0ابتطمن على والدي اول وارجع لكم
قالو كلها نص ساعه وراجعين 0ذهب فهد معهم وهو مستغرب
ذهبو به وبسرعه إلى شقه دخلو الشقه مسكو فهد بقوه ودخلوه في غرفه وربطوه بسلاسل حديد وضربوه الى ان فقد وعيه من الضرب وبعد ساعه من فقدانه للوعي صحا وهو منهار ويصيح يبي يرجع لوالده يبي يتطمن على ابوه ومايدري ليش يسوون فيه كذا
ذهب ابوشاكر لصديق له مزور يزور كل شئ وطلب منه يزور له اوراق تثبت ان فهد ولدلهم وانه مجنون ومحتاج للعلاج في الهند 00
حجز ابو شاكر للهند وسافر على طول للهند ومعه فهد وهو مربط بسلاسل وكان قايل انه مجنون
نرجع لام فهد 00ام فهد ونوره لما جاء الصبح وفهد ما رجع قالو اكيد فهد جلس مع ابوه
يتصلون عليه وما يرد خافو عليه وذهبو للمستشفى
نوره سالت عن فهد في المستشفى وقالو اه ماجاءللمستشفى ولم يروه
خافت نوره على فهد وماتدري وش تسوي
اتصلت على اخوها لاكنه مارد عليها نوره مالها احد وماتدري وشتسوي
حتى ام فهد تعبت وارتفع عليها الضقط زوجها بين الموت وال حياة وولدها ماتدري وين راح
نوره اتصلت على جارهم وهي تبكي وقالت له عن الي صار لهم
جاء الجار لهم في المستشفى وسال عن فهد لاكن مااحد راه اتص ل على الشرطه وبحثوعنه في كل مكان وماله اثر00
ابو شاكر وعياله لما وصلو للهند استقبلوهم اصحابهم الهنود وعلى طول سلموهم فهد واخذوه لمزرعتهم وقال لهم 0ابوشاكر 00اقتلوه اوعذبوه الي ان يموت
الهنود00بنربطه ونعذبه إلى ان يموت من التعذيب
ابوشاكر00 بعدكم يوم ارسل لكم الفلوس الي تبون اذا استلمت حلال اخوي
الهنود ربطو فهد بسلاسل قويه وتركوه عاري من الملابس وبداو في تعذيبه بنار والكهرب والضرب يومياً يحرمونه من الاكل والشرب والنوم وقت طويل عذبوه عذاب شديد ومن شدة العذاب فقد الذاكره
كان فيه واحد من العمال الهنود طيب وقلبه رحوم واذا راى الهنود يعذبون فهد يجلس يبكي يتمنى انه يقدر يساعد فهد بس ما يقدر يخاف منهم 00
اما ابو شاكر بعد ما رجع لسعوديه اعلن ان فهد ابن اخوه ذهب للعراق ومات هناك ودفنوه في العراق انهارت ام فهد ودخلت في قيبوبه حتى زوجته لم تحتمل الخبر طول الوقت وهي تبكي ومنهاره 0 اماابوفهد الدكتور مانع عنه الزياره او اي احد يقول له خبر مهوب زين دخل عليه اخوه ابو شاكر وقال له فهد ابنك مات في العراق فلما سمع ابوفهد الخبر لم يحتمل الصدمه ومات على طول
فهد لا يعلم حالته الا الله وامه دخلت في قيبوبه لا يوجد امل لدى الطبيب انها تفوق من القيبوبه ونوره زوجة فهد جلست في بيت زوجها تبكي ليل مع نهار على زوجها وعلى الحاله الي صارت لهم 00
بعد مدة شهر من وفاة الاب جاء ابوشاكر لزوجة فهد وقال لها كل شيء تملكونه صار لي واعطاها مهله مدة يومين تسلمه كل شئ حتى البيت الي هم ساكنين فيه والمزرعه والاموال 00وبعد مدة يومين نوره ضايق صدرها ماتدري وين تروح له هي وابنها ياسر فكرت وقررت انها تذهب الي اخوها ولما عرف اخوها ان مالها مكان تسكن فيه غير بيته قال اخوها زوجتي ماتقدر تتحملكم وهي حامل وانا ما بي احد يضايقها بتجلسون عندي بس في الملحق وماتطلعون منه ولا يدخل عليكم احد يخاف ان الناس يقولون ليش يسكن اخته في ملحق 00سكنت نوره وابنها ياسر في الملحق ما تطلع ولا يدخل عليهم احد الا وحده من الجيران تزورهم كل شهر 00 نوره حمرت عيونه من الصياح ليل مع نهار وهي تبكي على زوجها الغالي 0وتقول في نفسها مااصدق ان فهد حبيبي مات مااصدق انه ذهب للعراق في نفس الوقت الي ابوه في المستشفى فهد عائش 00
اما ام فهد فهي لا تزال في المستشفى لم تفق من القيبوبه ونوره كانت تزوره كل يوم قبل ما تسكن عنداخوها اما بعدماسكنت عنداخوها منعها من زيارة ام فهد 00الدكتور يقول بانها لن تفوق من هذه القيبوبه الا اذااراد الله
نرجع للهند00بعد مافقد فهد الذاكره صار مايدري منهو ولا من وين جاي والهنود كل يوم يصبون عليه الوان من العذاب يتلذذون في تعذيبه بنار والكهرب جسمه كله محروق ومتصلخ من شدة العذاب ويصبون عليه ماء يقلي وله انين يقطع القلب حتى انه انشل من شدة التعذيب ماعاد يقدر يمشي في كل يوم تعذيب000 مرة سنه وهو على هالحال فقد بصره صار كفيف لا يرى يتمنى الموت في كل دقيقه 00فهد بعد مافقد الذاكره لايذكر اي شئ الا القران مانساه 00
كل يوم اذا انتصف الليل ونامو الهنود يقرا القران عن ضهر القيب ويصلي ويدعو الله انه ينجيه منهم يناجي الله في كل ليله وهوا طايح على جنبه لا يقدر ان يتحرك يقرى القران ويصلي ويدعو الله إلى بعد طلوع الفجر عذبوه بدون رحمة او شفقة لم يرحموه قلوبهم اقسى من الحجر
عذبوه بدون رحمة او شفقة لم يرحموه قلوبهم اقسى من الحجر
نرجع لرياض لعائلة ابوعبدالعزيز 00ابوعبدالعزيز رجل متقاعد اماابنه عبد العزيز 0ابوتركي0فهورجل اعمال له مكتب استقدام العمال وله شركه استيردوتصدير في كل مده يسافر يجيب عمال 0وفي المره هذي قرر انه يسافر للهند يجيب عمال قال له رفيقه صالح وصالح يعمل معه نسافر نجيب عمال وفي نفس الوقت نتمشى في الهند حجزو على الهند وسافرو ولما وصلو الهند كان في الهند صديق لابوتركي اسمه محمد هندي اتصل عليه ابوتركي واستقبلهم في المطار واستاجر لهم في فندق وجلس معهم وصار يمشيهم كل يوم في مكان من الهند قال ابو تركي وصالح ياليت تمشينا على مزارع الهند نتمشى فيها اذا صار معنا وقت قال لهم محمد اي مكان تبونه انا مستعد اوديكم له قالو اذا انتهينا من عملنا وكان معنا وقت ذهبنا نتمشاء
نرجع لنوره وابنها ياسر0حالتهم حاله ما تسر محجوزين في هلملحق نوره تتمنى انها ترجع تشتقل ترجت اخوها يتركها تعمل لاكنه رفض تترجاه وتبكي عنده قالت نوره ابعطيك نص الراتب والباقي اصرفه علي انا وابني
قال اخوها 0 مافيه شقل ماتطلعين مع الباب الا اقص رجلك ولا تكلميني في هذاالموضوع مره ثانيه واذا كلمته مره ثانيه بياخذ ياسر ويرميه عند عمه ابو شاكر 0بكت نوره وقالت لاخوها يتركها تزور ام فهد وتطمن عليها
ضربها اخوها وقال ام فهد ماتت مابي اسمع الكلام هذا مره ثانيه وضربها وضرب ياسر وطلع
نوره ضمت ياسر معاها وهي تبكي وقالت يا حبيبي يا ياسر انا وانت مالنا الا الله مالنا احد في هذه الدنيا فقدت اغلى واعز حبيب على قلبي فهد ابوك يا ياسر وفقدنا ابو فهد جدنا القالي وحتى ام فهد فقدناها00نوره المسكينه مالها احد تتكلم معه غير ابنها ياسر الصقير وكان قد كمل السنه السادسه من عمره يتمنى يدخل المدرسه لاكن خاله رافض يقول مافيه دراسه ياسر يبكي ويقول وينك ياابوي وينك يابوي ليش تتركنا احنا محتاجينك ويصيح بصوت عالي يبه يبه وينك ولما سمع خاله صياحه جاء مسرع للملحق ومسك ياسر ورماه على الارض وضربه ضرب بلعقال وياسر يبكي ابوي ابوي وينك ابي ابوي ابي ابوي ولما رات نوره اخوها وهو يضرب ياسر رمت نفسها على ياسر وصار الضرب في نوره وهددها اخوها قال لو سمعت صوت هذا الولد مره ثانيه ابقطع السانه انتي سامعه
قالت نوره وهي تبكي سمعت اخذت ياسر وحاولت تهديه وتسكته وهو يبكي بكاء يقطع القلب وينادي على ابوه وهو خايف من خاله خوف شديد قالت له امه لا تخلي خالك يسمع صوتك حتى ما يرجع لنا
ساسر عندما فقد والده كان عمره خمس سنوات والان عمره ست سنوات سنه كامله وهو عيش في الملحق
نرجع للهند عند فهد
فهد مربط بسلاسل ومرمي مع الغنم ويومياً تعذيب وفي يوم من الايام خرج اثنين من الهنود في الليل يتمشون في مزرعتهم وسمعو صوت فهد وهو يصلي ويدع الله انه ينجيه منهم فلما سمعو صوته ذهبو اليه وراوه يصلي وهو على جنبه هجمو عليه سحبوه بسلاسل حتى تصلخ جلده من السحب يتلذذون في تعذيبه وسماع صياحه وانينه !! تقدمومنه’بقوه داسو على اصابع يديه دعكوها دعكا ببط وبقوه الي ان انسحقت اصابعه وضربوه ضرب إلي ان فقد وعيه من شدة التعذيب 0وبعد ذالك اجتمع الهنود وقررو انهم يقتلونه ويتخلصومنه قال واحد منهم قبل ما نقتله نعذبه نقطعه نقطع لسانه ونشيل عيونه من مكانها ونقطع ايدينه ورجلينه ونتركه على هل حال مدة شهر يتعذب من الالام واذا ما مات نقتله وافقو كلهم 0وكان العامل الهندي يسمعهم ضاق صدره رحم فهد بس مايقدر يسوي شئ خرج برى المزرعه وهو يفكروحزين ضايق صدره مايدري وش يسوي 00
نرجع لابو تركي
ابوتركي وصديقه صالح بعد ماانتهو من عملهم ذهبو مع صاحبهم محمد يتمشون على المزارع وهم في الطريق رااهم العامل الهندي واشر لهم وقفو عنده الهندي ضايق صدره مايدري وش يقول لهم سالهم هل انتم من السعوديه قال ابو تركي نعم من السعوديه ليش تسال 0
قال الهندي انا عندي موضوع لازم اقوله لكم استقربو منه وركبوه معهم وقال لهم عن فهد وقال ان الهنود يومياً يعذ بونه له اكثر من سنه وهو على هلحال وقال ان الهنود اليوم قررو انهم يعذبوه عذاب شديد إلى ان يموت ابو تركي بعد ما سمع القصه صار يبكي ما تحمل ماقدر يمسك نفسه اما صالح ضاق صدره وقال كيف نساعده مانقدر نساعده خله اما ابو تركي قال معقوله فيه ناس بهل قساوه انا بحاول اساعده باي طريقه
قال العمل الهندي لازم تستعجلون قبل ما يسوون الي اتفقو عليه وقال لهم لا تقولون انكم من السعوديه لو سالوكم 0
قال ابو تركي للعامل الهندي اذا قدرت اساعده ابا خذك معي لسعوديه واوديك لمكه حج وعمره على حسابي فرح العمل كثير وقال انشاء الله تقدر تساعده 00
ابوتركي اخذ يفكر كيف يقدر يساعده يدور له طريقه حتى يذهب للهنود 00
اما فهد طريح على الارض يان من الالام له انين يقطع القلب جااوالهنود له وقالو له عن الي اتفقو عليه خاف فهد جسمه يرتعش يبكي ويرتعش ويقول اقتلوني وريحوني اقتلوني تكفون يترجاهم ويبكي والهنود يتفرجون عليه ويضحكون عليه وفهد يرتجف من الخوف ويبكي وهو طايح على الارض مشلول واعمى مايقدر يتحرك عاري بدون ملابس جسمه كله محروق مكوي بنار يبكي من شدة خوفه بكاء يقطع نياط القلب
اخذوه بلا رحمه ولا شفقه سحبوه على الارض بسلاسل وجلده يتصلخ على الارض من السحب وفجاة وهم طالعين به برى كي يبداو في التعذيب الي اتفقو عليه دخل عليهم ابو تركي وصالح وراوهم وراو فهد مع الهنود وهم يسحبونه لا رحمة ولا شفقه في قلوبهم القاسيه وراو اثار اللحم والدم على الارض من فهد
ابو تركي لما راى حالة فهد صاح بصوت عالي ماقدر يمسك نفسه قال حرام عليكم اتركوه وركض مسرع اليهم ومسك فهد وسحبه منهم وقال للهنود ليش تسوون فيه كذا انا مستعد ادفع لكم الي تبونه وتتركون لي الرجل هذا
لاكن الهنود رفضو
ابو تركي 0 الرجل هذا بيموت من تعذيبكم وما راح تستفيدون شئ
الهنود 0وانت اذا اخذته وش بتستفيد
ابو تركي 00 انا عندي مزرعه كبيره اخليه يشتقل فيها ليل مع نهار وبدون راتب
الهنود00 نفكر وبعد شوي نرد لك الخبر
الهنود جلسو مع بعض يتفقون وابو تركي جالس عند فهد وماسكه معه ويشوف جلده متصلخ من السحب وجسمه كله محروق وكل شوي تدمع عيون ابو تركي من الي يشوفه في فهد
قال صالح لابوتركي انت مجنون كيف تدفع لهم الي يبون وانت تشوف الرجال بين الموت والحياة يمكن تدفع لهم الفلوس وما يمديك تطلع مع الباب الا ويموت عليك اتركه وخلنا نطلع من المزرعه احسن لنا
قال ابو تركي انا قلبي ما يطاوعني اتركه وانا عارف الي بيسوونه فيه
وفهد يسمع كلامهم ومتمسك في ابو تركي ويرتجف والدم ينزف منه ويان انين يقطع القلب جسمه نحيف جداً بسبب الجوع والعطش والتعذيب
وبعد مااجتمعو الهنود جااو الي ابو تركي وقالو له ادفع لنا اربعين الف ريال ونسلمه لك وما تستلمه الا بعد ما تدفع ولو يموت بعد الدفع على طول مايرجع لك ولا ريال
ابو تركي فكر ثم وافق قال له صاحبه صالح انت مجنون ليش تضيع فلوسك على هذا انت بتجيب عمال اذا دفعت لهم اربعين الف كيف بتجيب العمال
قال ابو تركي ربي يعوضني حرام اترك الرجال عندهم وانت عارف وش بيسوون له
قال ابوتركي للهنود انه موافق وسلمهم الفلوس وفكو السلاسل عن فهد والحم يتقطع مع السلاسل وابوتركي يبكي من هول مايراه ثيابه كلها دم والارض كلها دم
ابوتركي شال فهد والدم ينزف منه وانينه يقطع نياط القلب وعلى طول ذهب به لمستشفى خاص على حسابه ودخلوه في غرفة العمليات وجلسو فيها مدة خمس ساعات وابو تركي وصالح ينتضرون احد يطلع من غرفة العمليات يطمنهم بعد خمس ساعات طلع الدكتور وساله ابو تركيعن فهد قال الدكتور حالته خطيره صدره كله مكسر ومرضض ايدينه ورجلينه مكسره جسمه كله مرضوض بندخله العنايه المركزه واذا عاش بيعيش مشلول ماعاد يقدر يمشي اما عيونه اذا تحسنت حالته قدرنا نقرر اذا له علاج او ماله
قال ابو تركي ابنقله لسعوديه
قال الدكتور حالته ماتسمح ما يقدر يتحمل الطريق لو عاش تقدر تنقله بعد اسبوع الحن بنسوي الي علينا والباقي على الله 00
دخلوه العنايه وهو بين الحياة والموت قال ابو تركي الرفيقه صالح انت اذهب لرياض واحجز لنا في اي مستشفى وانا ابجلس هنا مع فهد
صالح ذهب لرياض وابو تركي جلس مع فهد وبعد اربع وعشرين ساعه صحا فهد ولما سمع صوت عنده صار يحاول يتكلم بس ما يقدر من التعب وهو يتالم يان انين يقطع القلب ويرتجف خايف مايدري وش بيصيرله ولما راه ابو تركي يحاول يتكلم وما يقدر جلس بجانبه ومسح دموعه وقال له لا تتكلم يااخوي هدي نفسك انت الحين الحمد لله في امان انت عند اخوك تطمن يا فهد نزلت دموع فهد حتى ابو تركي نزلت دموعه لما راى حالة فهد
جاء الدكتور لفهد وقال لابو تركي لازم تطلع الحين انتهت الزياره وممنوع المرافق في العنايه تقدر تجي له في وقت الزياره الثانيه اترك المريض يرتاح
ابوتركي مسح على راس فهد وحبه وقال له تطمن يااخوي هدي نفسك وطلع من عنده وفهد في حاله لا يعلمها الا الله من شدة التعذيب وفي نفس الوقت خايف مايدري وش بيسوون فيه0000
بعد مدة اسبوع وفهد في العنايه قال ابو تركي ابنقله لرياض وافق الدكتور وحجز ابوتركي لرياض واتصل ابوتركي على صالح وقال له على موعد الطياره حتى يجهز سيارة اسعاف في المطار 00
ابوتركي على صالح وقال له على موعد الطياره حتى يجهز سيارة اسعاف في المطار 00
فهد خايف ويرتجف مايدري وش بيصير له اخذ ابوتركي فهد من المستشفى وسافر لسعوديه واخذ معه العامل الهندي اخذه ابو تركي على كفالته 0
فهد زياده على التعب خايف مايدري وش بيسوون فيه خايف انهم يسوون فيه مثل الهنود ولما راه ابوتركي خايف ويرتعش خاف عليه وجلس بجانبه يهديه وقال له اعتبرني مثل اخوك يافهد قال فهد بصوت تعبان ومتقطع وين بتودوني وش بتسوون فيني ارحموني تكفى ارحمني وهو يرتعش لما سمعه ابو تركي يقول هذاالكلام بكاء وضم فهد معه وقال له انت في امان انت مع اهلك وجلس يهدي فيه الي ان وصلو الرياض
استقبلهم صالح وعلى طول اخذو فهد للمستشفى على الاسعاف وذهب معه ابوتركي ولما وصل المستشفى دخلوه على طول العنايه وهو مايحس حالته ساأت تعب من الخوف جسمه كله يرتعش تشنج من الخوف وجلس معه ابوتركي قليلاابوتركي يحاول يكلم فهد بس فهد ماحس فيه وقال له الدكتورفهد حالته خطيره و ممنوع المرافق طلع ابوتركي من العنايه وهو يبكي لما راى حالة فهد طلب ابوتركي من الدكتور انه يهتم فيه وطلع
ذهب الي اهله واخبرهم عن قصة فهد اهله كلهم تاثرو ابوه وزوجته قالو له الفلوس ربي يعوضك عنها انت ما سويت الا خير ومثل مارحمت هذا المسكين ربي يرحمك
قال ابوعبد العزيز والد ابو تركي انا ابي ازور هذا المسكين
ابوتركي00اذا جا وقت الزياره نذهب له سوى اما ام تركي قالت لزوجها انت رجل طيب لاتترك صاحبك فهد ساعده وربي بيوفقك
ابو تركي صار يتردد على المستشفى في كل زياره وفهد صحته تتحسن على شوي شوي
بعد مدة شهر طلع فهد من العنايه وجلس معه ابو تركي في المستشفى 00
ابوتركي لما جلس مع فهد راى فيه الطيبه والاخلاق وعرف ان فهد رجل دين وحافض القران صار ابو تركي يعامل فهد مثل اخوه صارت علاقته به قويه
دخل الدكتور على فهد وساله اذا موافق على العمليه او ما وافق عملية عيونه وكان نسبة النجاح خمسين بل مئه فهد متردد وخايف خايف ان العمليه ماتنجح وانه يفقد الامل بس ابوتركي ماخلاه شجعه على العمليه ووافق انه يسويها وقع فهد على العمليه وبعد خمس ساعات دخلوه غرفة العمليات وطلع منها بعد ساعه قال الدكتور بعد اربع وعشرين ساعه نفكه ونشوف اذا نجحت اولا جلس ابو تركي مع فهد يهديه ويخفف عنه الامه
وبعد اربع وعشرين ساعه فهد خايف وابو تركي جالس جنبه وماسك يده والدكتور يفك في الشاش ولما انتها من الشاش قال له الدكتور فتح عيونك على شوي شوي فتح فهد عيونه ونزلت دموعه على طول خاف ابوتركي ودمعت عيونه رحم فهد لاكن فهد لما راى ابوتركي ماسك يده قال له خلاص الحمدلله انا اشوفك انت ابو تركي
ضمه ابو تركي معه وهويبكي وفهد يبكي فرحانين حتى الدكتور نزلت دموعه قال ابو تركي لفهد ان شاء الله ترجع لك الذاكره وتقدر تمشي على رجولك مثل ما رجع لك النضر قال فهد امين
فهد بعدماتحسنت صحته دايم سرحان ويفكر في نفسه وش الي بيصير له بعد خروجه من المستشفى وش بيسوون فيه ويفكر هل ياترى ابوتركي بيعامله معامله زينه اذا طلع من المستشفى او بيتعذب في هذه الحياة
يفكر انه يطلب من ابوتركي انه يشقله عنده في المزرعه عامل بدون راتب لاكنه خايف ويفكر وش لون يقدر يشتقل في المزرعه وهو مشلول 00دايم سرحان ويفكر ودموعه تنزل غصب عنه
ابوتركي لاحض ان فهد دايم سرحان ويفكر جلس ابو تركي بجانب فهد وساله
ابوتركي 0يافهد انا ملاحض عليك انك دايم سرحان وتفكر قلي يافهد وش فيك
قال فهد0 انا خايف من هذه الدنيا ماادري وش الي بيصير لي فيها انا خايف ياابوتركي انا ابطلب منك طلب ياابوتركي ياليتك توافق عليه
قال ابوتركي 0اطلب الي تبي يااخوي انا موافق على اي شي تبيه
فهد0صحيح انا مشلول مااقدر امشي بس اقدر اشتقل في المزرعه انا ابيك تخليني اشتغل عندك في المزرعه اشتغل وانا على العربيه اساعد العمال وبدون راتب ابشتغل ليل مع نهار اهم شئ اني اعيش مرتاح بدون عذاب تكفى ياابوتركي ارحمني لاتسوون فيني مثل الي سواه فيني الهنود وبكى فهد وهو يتكلم وبكى معه ابوتركي وضم فهد على صدره بحنان وهم يبكون
وقال ابوتركي يا فهد يااخوي لا تخاف تطمن انت بتعيش عندي معززمكرم انا يافهد وحيد امي وابوي وليس لي اخوه والحين الحمدلله ربي رزقني اخ هو انت يافهد انت اخوي يافهد وماارضى ان اي احد يضايقك او يزعلك وانت يافهد ماشاالله عليك ممتاز في الحاسب وفي المحاسبه انت بتشتغل معي في الشركه وبراتب
حس فهد براحه من كلام ابو تركي هدت نفسه 00وهم يتكلمون مع بعض دخل ابو عبد العزيز وسمع كلامهم جلس بجانب فهد وقال له ياوليدي اعتبرني مثل ابوك انت يا ولدي مع اهلك اعتبرنا اهل لك الا اذا انت ما تبينا
جلس فهد وحب راس ابوعبد العزيز وقال انت ياعمي وابنك ابوتركي ما قصرتو معي ماادري وش لون ارد لكم لو شئ قليل من الي سويتوه معي وجلسو مع بعض طول وقت الزياره يسولفون
جلس فهد في المستشفى مدة ثلاث شهور وهو يتعالج وكانو اصدقاء ابوتركي يجو للمستشفى يزورون فهد ويتطمنون عليه خصوصاً بعد ما سمعو قصته كلهم حبوه حبوه على طيبته ودينه واخلاقه بعد مرور الثلاثة اشهر كتب الدكتور لفهد خروج من المستشفى بس كان فاقد الذاكره ومشلول
لما عرف فهد ان الدكتور كتب له خروج ضاق صدره وخاف جاه رعب شديد لدرجة انه صار يترجى الدكتور انه ما يطلعه من المستشفى 00قال فهد لدكتور0تكفى تكفى يادكتور انا مابي اطلع اتركوني في المستشفى مابي اطلع بكاء فهد عندالدكتور
بكاء فهد عندالدكتور
قال الدكتور 0انا مااقدر اتركك في المستشفى الاسره مليانه ومحتاجين لسرير
قال فهد0انا انام على الارض 0لاكن الدكتور رفض وكتب له خروج
وجلس في الغرفه يبكي ويرتعش خايف مايدري وش بيصيرله بعد خروجه وين بيودونه بيرجع للعذاب مره ثانيه ودخل عليه ابوتركي وراه على هل حاله ضمه معه وقال انا عاذرك يااخوي الي صار لك مهوب شئ سهل لاكن الحمدلله يااخوي انت عند اهلك وجلس يطمنه ويهديه إلى ان هدا وهوخايف 00 ابوتركي اخذ فهد معه للبيت وكانو مججهزين له غرفه وبعد مادخلو البيت فهد خايف ويرتعش من شدة العذاب الي صار له يخاف من كل شئ ماقدر ينسى العذاب اخذه ابوتركي لغرفته وجلس معه إلى ان هدا ثم احضر له الاكل واكل معه قال ابوتركي لفهد انا ابرقد معك الي ان تتحسن
قال فهد انا بخير
ابوتركي 0انت الحمدلله بخير بس انت خايف انا حاس فيك يااخوي وانا ماني تاركك الي ان تتحسن وتهدا نفسك وترتاح
وبعد مدة شهر من خروج فهد من المستشفى اخذه ابوتركي معه لشركه وتوضف في الشركه محاسب وكانت الشركه خسرانه وبعد ماتوضف فهد في الشركه ربحت الشركه وصارت من احسن الشركات كان المحاسب الي يشتقل اول يقش ويسرق الفلوس فلما اشتقل فهد كشف كل شئ
ابوتركي يعامل فهد مثل اخوه وكذلك ابوعبدالعزيز يعامله مثل مايعامل ولده ابوتركي
ابوعبدالعزيزيردد دايم ويقول انا ماعندي الا ولد واحد لاكن الحين الحمدلله عندي ولدين
بعد مدة سبعة شهور كانو ابوتركي وعياله وفهد في مزرعه ابوتركي طالعين يتمشون ومعهم صالح وعياله
ذهب ابوعبد العزيز وتركي معه يمشي في المزرعه ويتفرج على النخل ابوعبد العزيز لايرى الا قليلا ومسك تركي معه وابو تركي مع عماله وفهد وصالح يتمشون في المزرعه فهد يتمشى على العربيه مايقدر يمشي
في المزرعه مسبح كبير راى تركي في المسبح بط يسبح لما راه ترك يد جده وذهب مسرع يركض للمسبح يبي يتفرج على البط والمسبح مليان ماء والجد ينادي على تركي بصوت عالي خايف عليه يطيح في المسبح سقط تركي في المسبح الجد يصيح بصوت عالي يبي احد ينغذ تركي كان فهد قريب منهم يسمع صياح الجد بس مايقدر يسوي شئ مشلول لما راى تركي وهو يقع في المسبح خاف عليه وقام يركض وهو مايحس في نفسه طب فهد في المسبح وطلع تركي اما ابوتركي سمع ابوه وهو يصايح وينادي عليهم بصوت عالي خايف على تركي وعلى فهد جاء ابوتركي مسرع ولما وصل عند ابوه ابوه صار ياشر على المسبح مايقدريتكلم من الخوف راى ابوتركي فهد وهو يطلع تركي من المسبح ويركض وهو شايله يبي يدفيه عن البرد لفه في فروته ذهب ابوتركي مسرع لفهد وخذ تركي منه وتطمن عليه انه بخير وهو يبكي قال تركي يابوي انا مافيني شئ عمي فهد طلعني من المسبح وقام ابو تركي وهويبكي ويحتضن فهد ويحبه ويشكره على الي سواه مع تركي ويبارك له وفهد من شدة خوفه على تركي ماحس في نفسه انه يمشي فهد مستغرب ليش ابوتركي يبارك له قال له ابوتركي فهد انت تمشي انت واقف وانتبه فهد لنفسه وصار يبكي يبكي من شدة الفرح وسجد شكرلله ويردد الحمدلله الحمدلله اما ابوعبدالعزيز وصالح بعدماتطمنو على تركي جاءو لفهد وباركو له واستانسو وانبسطو
وفي اليوم الثاني عمل ابوتركي عزيمه كبيره بمناسبة شفاء فهد من الشلل ابوتركي وفهد صارو مثل الاخوه يحبون بعض واصحاب ابوتركي صارو كلهم اصحاب لفهد كلهم لما عرفو فهد وراو طيبته ودينه واخلاقه حبو فهد وكل واحد منهم سوى عزيمه عشاء لفهد بمناسبة شفاءه فهد رفض قال ماله لازم العزايم بس غصبوه قالو له اذا ماجيت بنزعل عليك وفهد طيب ما يبي احد يزعل
فهدمرتاح عند ابوتركي بس دايم يفكر في نفسه هو مين وين اهله وين كان عايش وش الي وداه للهند وليش الهنود يعذبونه وش سوى دايم سرحان ويفكر
ابوتركي حس في فهد انه دايم سرحان ويفكر وساله
قال ابوتركي 0ليش يافهد دايم سرحان وتفكر انت متضايق من شئ احد مضايقك قلي يااخوي ليش ماتحكي عليه
قال فهد0همي بقلبي كثر هواجيسي وزادانزعاجي همي اني ودي اعرف انا مين وين اهلي ليش سوو الهنود فيني كذا انا وش سويت انت الله يجزاك خير ما قصرت معي بشئ خسرت فلوسك عشاني وفي المستشفى ماتركتني وعالجتني على حسابك وعيشتني معزز مكرم عندك
قال ابوتركي0 صدقني يافهد انا من اول يوم جيت فيه من الهند وانت معي شركاتي كلهن ربحن اول مره في حياتي احصل على هالارباح هذي
قال فهد0 انت يا اخوي رجل طيب وربي بيوفقك
قال ابوتركي0 اسمع يا فهد انت اشتقلت عندي سنه كامله وما رضيت تاخذ راتبك كامل ماتاخذ الاربع الراتب وانت تستاهل اكثر من اول يوم اشتقلت في الشركه والارباح تزيد انا جمعت لك الرواتب الي رفضت انك تاخذها ودخلتها في الشركه واليوم انا سجلتك شريك معي في الشركه اسمع يافهد من اليوم وانت المسؤل عن الشركه وانا بتفرق لمكتب استقدام العمال
قال فهد 0انت كل يوم تزيد بجمايلك علي ياليت اقدر اردلك لوشي بسيط من جمايلك علي
قال ابوتركي0لولا الله ثم انت كان تركي ولدي غرق في المسبح انت انغذت ابني من الغرق
ومسك فهد الشركه وصار شريك لابوتركي وصارت الشركه شركات ومؤاسسات وصار لهم اسم كبير في كل مكان
وبعد مدة سنه طلب ابو عبدالعزيز من ابنه ابوتركي ان يذهبون الي مكه لاخذ عمره يقول ابوعبدالعزيز انا مشتاق لمكه مشتاق اخذ عمره
قال ابوتركي 0حتى انا ودي اخذ عمره وعيالي يبون كذلك عمره نذهب كلنا سوى
قال ابوتركي لعياله يتجهزون للعمره وقال ابوتركي لفهد عن العمره لكن فهد رفض انه يذهب معهم كان نفسه يذهب الي مكه لاكنه لا يريد ان يضايقهم ابو تركي اصر على فهد لاكن فهد قال انتم اهل مع بعض تذهبون مع بعض وتجلسون مع بعض انا غريب بينكم ليش اخرب عليكم انا اقدر اروح لمكه مره ثانيه
لاكن ابو تركي اصر على فهد وقال له انت تدري ان ابوي وزوجتي سالوني عنك اذا انت بتذهب معنا او لا وقالو اذا فهد مارضى يذهب معنا مهوب لازم نذهب لمكه قلت لهم فهد بيروح معنا انشاء الله
فهد حس انه بيثقل عليهم ورفض يذهب معهم ابوتركي جالس يقنع في فهد انه يذهب معهم لمكه وهورافض دخل عليهم ابوعبدالعزيز وهم يتكلمون ولما عرف ان فهد مارضى يذهب معهم قال خلاص يا وليدي ياابوتركي اذا فهد مارضى يذهب معنا لمكه مهوب لازم نروح قال ابوتركي حتى زوجتي قالت لي نفس الكلام ولما راهم فهد مصرين على انه يذهب معهم وعرف انهم تركو سفرهم لمكه عشانه نزلت دموعه وقال انا من يوم ماسكنت معكم وانتم تعاملونني كاني واحدمنكم لم احس في يوم من الايام الي عشتها معكم اني غريب لم احس في يوم من الايام بلوحده معاملتكم الطيبه لي خلتني احس اني عايش في وسط اهلي انا نفسي اروح معكم لمكه لاكن انا مااريد ان اثقل عليكم
قال ابوعبدالعزيز 0اذا انت لم تذهب معنا الي مكه انا لن اذهب
قال ابوتركي 0انا كذالك لن اذهب لمكه
ولما راهم فهد القو سفرهم لمكه عشانه وافق انه يذهب معهم وذهبو لمكه وجلسو فيها مدة اسبوعين ولما دخلو الحرم اخذو عمره ثم جلسو ينتضرون صلاة العشاء وبعدالصلاة ذهبو لشقتهم ونامو كانوتعبانين من الطريق وفي منتصف اليل صحا فهد وذهب للحرم وجلس فيه يقراقران ويطوف على الكعبه وهو يدعو الله ان ترجع له الذاكره ويحمد الله ويشكره على ان الله انجاه من الهنود ووفقه مع ناس طيبين كان طوال اليل يطوف ويناجي الله يبتهل له بدعاء ويبكي الي ان اذن لصلاة الفجر وبعدالصلاة جلس في الحرم الي ان طلعت الشمس ثم ذهب الي الشقه ونام وفي يوم من الايام وهم في الحرم جا لهم واحد وسلم عليهم وهم مايعرفونه وحط عينه على فهد يناضره ومستغرب راه ابوتركي استغرب نضرات الرجال لفهد بعد ماسلم عليهم ذهب وتركهم ولحق به ابوتركي وقال له انت تعرفني قال الرجال انا مااعرفك بس االرجال الي جالس جنبك انا مشبه عليه واشر على فهد وقال سبحان الله العضيم يخلق من الشبه اربعين انا لما سلمت عليه وما عرفني تاكدت انه مهوب صاحبي الي يشبه له لاكنه صوره منه
قال ابوتركي0 صاحبك يشبه هذا واشر على فهد
قال الرجال 0نسخه منه
قال ابوتركي 0صاحبك وينه فيه
قال الرجال 0سمعت انه مات في العراق عمه يقول ان فهد انقتل في العراق بس انا ما اصدق وشلون يذهب للعراق وابوه بين الموت والحياة 00بين يوم وليله اختفى فهد انا حاس ان عمه هو سبب في اختفا فهد انا خايف ان عمه مسوي له شئ
قال ابوتركي 0 انت وش اسمك
الرجال 0اسمي محمد وصاحبي الي يشبه لاخوك اسمه فهد وكل شوي يلتفت على فهد وابوتركي مستغرب سال محمد ابوتركي وقال له وش اسم اخوك هذا
قال ابو تركي0 هذا صاحبي واسمه فهد
قال محمد 0مهوب معقوله نفس الاسم ونفس الشبه
طلع محمد من جيبه صوره له ومعه ابوفهد وفهد وقال انا كنت اعمل لدى ابوفهد وهذي صوره لي انا وابوفهد وفهد اخذ ابوتركي الصوره ولما راى صورة فهد تاكد ان فهد صاحبه هو فهد صاحب محمد قال ابوتركي لمحمد انا ابقص عليك قصة فهد صاحبي يمكن يكون هوصاحبك قال محمد لوكان صاحبي كان عرفني على طول قال ابوتركي فهد هذا فاقد الذاكره وله قصه طويله تعال معي نجلس واقص عليك قصة فهد جلسو في مكان بعيد عن فهد ولما سمع محمد قصة فهد نزلت دموعه وقال يا حبيبي يا فهد كل هذا يصير لك
وقال محمد تصدق ياابوتركي ان عم فهد بعد وفاة اخوه بشهر طرد عيال اخوه من بيتهم واخذ حلالهم
قال ابوتركي 0معقوله فيه انسان بهذي القساوه
قال محمد0 انا لازم اكلم فهد واشوفه انا ابذهب له 00رفض ابو تركي وقال ماينفع تكلمه كذا الدكتور الي يعالج فهد يقول لازم يشوف اقرب الناس له الي هم اهله يشوفهم كذا صدفه عشان اذا تفاجاء بشوفتهم قدامه يمكن ترجع له الذاكره مانبي نقول له اي شئ الا اذا وجدنا اهله لازم نبحث عن اهله ونسال عنهم
قال محمد0 فهد ماله احد وحيد ماله لا اخ ولا اخت وابوه متوفي وامه في المستشفى من اكثرمن سنتين من يوم ما فقدت ابنها وزوجها بس ماادري في اي مستشفى
ماله الا زوجته وولده ياسر توه صقير
قال ابو تركي لمحمد اذا تبي تجلس مع فهد ابقوله انك صاحبي ومن زمان ما شفتك ذهبو وجلسو مع فهد وتاكد محمد ان هذا هو صاحبه فهد وجلس معهم ساعه ثم خرجو من الحرم وطلب ابوتركي من محمد رقم جواله وتبادلو الارقام واتفق ابوتركي مع محمد انهم يلتقون في الرياض حتى يبحثون عن زوجة فهد وامه وابنه وبعد ماجلسو في مكه مدة اسبوعين رجعو لرياض وذهب ابو تركي لمحمد وطلب منه يساعده في البحث عن اهل فهد وصارو يسالون عنهم في كل مكان وعرفو ان زوجة فهد ساكنه في ملحق عند اخوها ومايخلي احد يجيهم غير زوجة جارهم لان جارهم صديقه ومايرفض له طلب ذهب ابوتركي ومحمد الي جار اخو ام ياسر زوجة فهد وسالوه عن زوجة فهد وامه وابنه واخبرهم الجار وقال انهم ساكنين في ملحق وان حالتهم ماتسرزوجة فهد وابنها مسجونين في الملحق ما يطلعون ولا احد يدخل عليهم غير زوجتي وقال لهم ابوتركي عن قصة فهد وقال انه بياخذ عيال فهد معه عشان يشوفون ابوهم وطلب من الجار يساعده 00قال الجار ابحاول مع اخو ام ياسر وانشاءالله انه يسمح لها تجي لنا ابحاول معه واذا قدرت اتصلت عليكم شكروه وذهبو وبعد مدة يومين اتصل الجار على ابوتركي وقال له ان اخو ام ياسر سمح لا خته تزورهم بعد صلاة العشاء
قال ابوتركي 00جزاك الله كل خير انا ابجيك انا وعيالي اليوم
وذهب ابوتركي لزوجته عاليه واخبرها عن كل شئ عن اهل فهد فرحت عاليه وقالت انشاء الله ربي يرجع له الذاكره مثل مارجع له عياله 00وذهب ابوتركي وزوجته إلى بيت الجار واستقبلوهم احسن استقبال وبعد صلاة العشاء اتت ام ياسر وابنها ياسر وهي ماتدري عن شئ ولما راى ابوتركي ياسرابن فهد كان نسخه من ابوه على طول عرف ان هذا ولد فهد ابوتركي اخذ ياسر وضمه معه ودمعت عيون ابوتركي لما راى ابن صديقه فهد وجلس ياسر بجانبه وقال له انت ياسر ابن فهد
قال ياسر0اناياسر وكان جسمه نحيف مره وذابل 0
وساله ابوتركي0 انت تدرس وفي اي صف 0دمعت عيون الطفل ياسر وقال انا ماادرس انا الحين عمري اكثر من سبع سنوات وخالي رفض انه يخليني ادرس امي تساعدني في حفض القران انا حفضت نص القران بمساعدة امي انا اتمنى اني ادرس اتمنى اني اطلع من هلملحق انا يتيم ماعندي ابو يهتم فيني ابوي مات وجدي مات وجدتي في المستشفى وخالي مايخلينا نزورها في المستشفى ماندري اذا هي عائشه ولا ماتت كلهم راحو وتركونا ليش وبكا ياسر ويصيح بصوت عالي وين ابوي وين ابوي ولما سمع ابوتركي كلام ياسر الطفل الصقير ضمه معه وبكا وبكا الجار وقال ابوتركي خلاص يا ولدي ابوك بيرجع قال ياسر 0وشلون يرجع وهو ميت قال له ابوتركي ابوك مامات ابوك عائش بس هوتعبان شوي قال ياسر اذا انت صادق ودني له انا مابي ارجع للملحق خالي دايم يضربني انا مابي الملحق ابي ابوي وصار يبكي ويردد ابي ابوي وين ابوي
قال له ابوتركي 0اسمعني يا حبيبي ابوك عندنا في البيت وانا اباخذك معي انت وامك اوديكم عند ابوك فرح ياسر واخذ يبكي ويقول انا خايف من خالي خالي ما يرضى نذهب معك
قال ابوتركي 0خالك مايقدر يسوي شئ بوجود ابوك 00
اما ام ياسرلما دخلت على جيرانها بكت لانها اول مره تخرج بعد فقده زوجها فهد استقبلتها الجاره وعرفتها على ام تركي ولماجلسو دمعت عيون ام ياسر وقالت هذي اول مره اخرج من البيت من بعد وفاة زوجي مسجونين في هلملحق
قالت ام تركي اريد ان اقص عليك قصه تعور القلب اسمعيها زين وقصت ام تركي عليها قصة فهد وكيف كانو الهنود يعذبوه وبعد ماسمعوها قالت ام تركي شوفي ياام ياسر الصوره هذي هي صورة الرجال الي قصيت لك قصته ولما رات ام ياسر الصوره صاحت بصوت عالي وقالت هذي صورة زوجي فهد وينه هو عائش وينه فيه ابي اشوفه انتي تضحكين علي تكفين ياام تركي قولي لي ان صاحب الصوره عايش وهي تبكي وتصيح مسكتها ام تركي وضمتها معها وقالت تطمني يا اختي فهد عائش وموجود عندنا قالت ام ياسر 0وينه ليش ما جاء معكم
قالت ام تركى 0فهد فاقد الذاكره وما عنده خبر ان الحن عرفنا اهله نبي نسويها له مفاجاه يمكن اذا راكم قدامه ترجع له الذاكره
قالت ام ياسر0 انا ماني قادره اتحمل ابي اشوفه ودوني له تكفون بسرعه
وقال ابوتركي للجار قبل ما يطلع خبر خال ياسر ان ياسر وامه ذهبو مع ابوهم
طلع ابوتركي ومعه عياله وياسروامه وهم في السياره قال ابوتركي 0ياام ياسر يكفي صياح فهد الحين محتاج لكم تدعون له ان ربي يرجع له الذاكره ترى الي صار له في الهند مهوب شئ سهل
قالت ام ياسر 0الحمد لله ان ربي رجع لنا ابونا فهد الحبيب وانشأ الله ترجع له الذاكره
قال ابوتركي 0اذا مارجعت له الذاكره اذا شافكم مافيه امل ترجع له هذاكلام الدكتور
ولما وصلو البيت كان فهد مهوب موجود اخذت ام تركي ام ياسر وياسر إلى غرفة فهد ودخلتهم فيها وقالت لهم هذي غرفة فهد ابقو هنا إلى ان ياتي فهد وبعد نص ساعه رجع فهد ولما دخل فهد البيت كان ابوتركي في انتضاره ولما راى ابوتركي فهد نزلت دموعه غصب عنه خاف فهد وقال ياابوتركي وش الي صاير الاهل فيهم شئ 0قال ابوتركي لا لا تخاف يااخوي هذي دموع فرح ماهي دموع حزن وانشاالله تكمل الفرحه وتصير فرحتين ابوتركي ضم فهد معه وفهد مستغرب وش القصه وسال ابوتركي وش القصه 0قال ابوتركي ابقولك بس بعدين وطلب ابوتركي من فهد انه يدخل غرفته استغرب فهد وقال ليش
قال ابوتركي 0انت ادخل الحين وبعدين تعرف استغرب فهد ودخل غرفته ولما فتح باب غرفته ودخل راى قدامه نوره وياسر ركض ياسر وهو يصيح بصوت عالي ابوي ابوي يركض الي ابوه ويحتضن ابوه ويحبب فيه فهد يحاول يتذكر بس ماذكر شئ يحاول ويحاول يتذكر جت نوره له مسرعه وهي تصيح زوجي حبيبي الغالي ليش تركتنا وفهد يحاول يتذ كر واقف مكانه ومندهش وزوجته نوره تحاول تذكره وتساله وش الي صار لك انا زوجتك وهذا ابنك ياسر تحاول تذكره بايام زمان وطلع فهد من الغرفه وهو منهار ويبكي ويقول انا مااتذكر شئ مااتذكر شئ لما سمعه ابوتركي جاله مسرع ومسكه وضمه معه وحاول يهديه
وقال له ابوتركي 0فهد يااخوي هذولا عيالك هذي زوجتك نوره ام ياسر وهذا ابنك ياسر يافهد حاول تذكرهم 0
فهد يحاول يتذكر وما قدر يذكر شئ وابوتركي ظايق صدره وخايف على صديقه فهد يحاول يساعده ومايقدر يسوي له شئ فكر ابوتركي وشلون يقدر يساعد اخوه فهد وتذكر ام فهد