مرحبا شخباركم هاي اول مشاركه لي بالمنتدى واتمنى ان مشاركتي تنال على اعجابكم راح انزل قصه جديده لكاتبه اول مره تكتب قصه عاد انتظر ردودك وان شاء الله تنال على اعجابكم
~حب بلا حدود ~~
للكاتبه : جنية السور
الجزء الاول:
كانت نايمه ف أحلى نومه
وفجأه أستوى زلزال فزت من نومها مفزوعه ع بالها أستوى شي فالدنيا
ولكن بعدين أذكرت ان اليوم الجمعه وأخوانها وعيالهم مجتمعين فبيتهم
بعدين أبتسمت ونشت من السرير وراحت وتغسلت وبدلت ملابسها ونزلت عند أخوانها وسلمت عليهم ويلست تسولف
ويوا ولاد أخوانها يسلمون عليها وهم يحبونها وايد لانها دوم تحكيلهم حكايات وتلعب معهم
تعريف بسيط بالشخصيات:
بو خالد (سالم)
أم خالد( مريم)
خالد ٣٥متزوج فاطمه عندهم ثلاثه أولاد وبنت
محمد ٣٠متزوج سلمى عندهم
ولدين وثلاث بنات
حمد ٢٥ما متزوج
العنود ٢٣متزوجه عندها بنت وولد
نوف أخر العنجود ١٨
عائلة بو جاسم
أبو جاسم (محمد)
أم جاسم(بدريه)
جاسم ٢٤ يدرس أدارة أعمال أخر كورس
ساره ١٨ أخر العنجود
كانت نوف تحب يوم الجمعه لان كل أخوانها يتيمعوا فبيتهم
ويستوي حركه فالبيت عكس باجي الاسبوع فاضي ويضيج الصدر
وهم يسلفون سأل خالد نوف:
ها نوف وين قررتي تدخلين وأي تخصص بتختارين
نوف: والله ما دري أنا أفكر أروح بعثه البحرين أخذ طب بيكون ست سنوات مب سبع مثل هنيه بس هذا بعد أذن أبوي
طش محمد :
نحنا ما عندنا بنات يسافرن روحهن أذا تبين تكملين دراستج درسي هنيه
نوف: يبه والله مب بعيد البحرين وبعدين دوله خليجه عاداتهم مثل عاداتنا وفيه سكنات حق البنات الله يخليك أبوي وافج
بعدين أنت بتسير معي وشوف الاوضاع وأذا ما عيبك بنرجع
بو خالد: بنتي نحن ما نباج تتبهدلين فالغربه
نوف: يبه لا تخاف ما بتبهدل أصلن كل شي موفر حقنا
الله يعافيك يبه وافج هذا حلمي
أبو خالد: يصير خير
خالد روح السفاره وسأل عن الجامعه
نوف: يا سلام تسلم يا أحلي أبو فالدنيا
قامت وحضنت أبوها
ويلست تتنطط والكل يضحك على خبالها
طلعت غرفتها وتبعتها العنود
وهيه كاتمت أسراها
العنود: ها الدكتوره كأنج تبين الفكه منا يهونلج تركينا وما نشوفج الا فالاعياد
نوف: هههيي أعرف انكم ما تستغنون عني لان مهمه
وبعدين مثل ما ودرتيني بودرج
العنود: أنا ما ودرتج أنا تزوجت وهذي سنه الحياه نوف ليش تحسسيني أني تخليت عنج
نوف: لا تفهميني غلط مب قصدي كيه بس يعني حسيت بفراق كبير من رحتي من عندي
وأنتي أختي أتمنالج كل خير
وتو خلج من هذي السيره فكري معي شو أشتري حق السفر وين أنروح
العنود: هذا أنتي همج بس
ما أوصيج نوف ع عمرج أهتمي فنفسج ولا تغرج المظاهر
وأختاري البنات الزينات
وخلج بعيد عن الشباب عن يجسون عليج بس أذا كان حلو معليه هاهاهاها
نوف: أذا ما خبرت أبويه وريلج عنج بتشوفين بقولهم تعلمني طبايع مب زينه
صبري علي(نوف بصراخ) أبويه أمايه تعالوا سمعوا بنتكم المصون شت تقول
نطت العنود تسكت نوف عن تفضحها
العنود: حشا محد يجدر يقول شي فضحتينا خلاص منج السموحه الشيخه نوف سحبنا أقوالنا
مرت الايام بسرعه بالنسبه لنوف ما بين التجهيزات أوراق الجامعه والسفر والسوق
الجزء الثاني:
يوم موعد سفر نوف وقرروا حمد يروح معها عشان يرتب أمورها ويطمن عليها
أم خالد: نوف نشي بسج نوم وراج سفر اليوم يمه قومي يلسي عندي أملي عيوني فيج بعدين بتروحين عني ولا بشوفج والله ما بعرف كيف بصبر من دونج
نوف: فديتج امايه والله كل يوم بتصلبج وطمنج عليه بس أنتي لا تحاتين ودعيليه بالتوفيق ورجعلكم بالشهاده العوده
وقامت وحضنت أمها وجلسوا يبكون
بعد ما ودعتهم وتجهوا للمطار
وسار يوصلهم أبوها
وكان أصعب وداع عند نوف يوم ودعت أبوها لانها حيل تحبه ولا تستغني عنه وهو بعد وايد يحبها ولا يبدا يومه الا بعد ما يشوفها
وصلوا مطار المنامه
ورحوا حق الفندق الي كان حاجز فيه حمد من قبل
ومن وصلوا تعشوا وعلي طول ناموا من التعب
الصبح نشت نوف بكل نشاط
وراحت تصحي حمد
نوف: حمود نش بسك رقاد
حمد: مممم
نوف: أنهض ولا أصب فوقك ماي ألحين
حمد: أنزين حشا ما يخلون حد ينام أنتي أطلبي ريوج لحد ما أسبح
نوف: أوكيييي
من خلصوا راحو حق السفاره يستفسرون عن الجامعه وعن السكن
بعد ما رتب حمد أمور نوف وطمن عليها قرر يرجع لان أجازته خلصت
لما ودع حمد نوف حست بالخوف أنها بتيلس بروحها بعيد عن أهلها ولا تعرف حد فهذي الديره لكن حمد شجعها وطمنها أنها بتتعود ع الوضع بتلقى ناس وبتتعرف عليهم لان طبعها أجتماعيه وانهم ما بيخلونها بروحها كل مره بيوا يزورونها
أول يوم لها فالسكن
كانت مختاره غرفه ثنائيه عشان
ما تحس بالوحده
أول ما دشت الغرفه
نوف :السلام عليكم
البنت:وعليكم السلام ياهلا تفضلي أنا زميلتج فالغرفه اسمي ساره
نوف: يا أهلين وأنا نوف
ساره: خليني أساعدج فالغراض
نوف: مشكوره
ويلسوا يرتبوا الاغراض ويسولفون
ساره: شو تخصصج
نوف:طب وأنتي
ساره: نفسج طب
نوف: ياسلام يعني بنكون دايما مع بعض
ساره:إيه وشكلي راح أتلوع كان بقابلج فكل وقت هاهاهاها
نوف:أصلن ألك الشرف أنج تكوني مع نوف سالم ال
ساره: مالت صح ساره أنتي من وين ما شكلج بحرينيه
نوف: من عمان وأنتي بحرينيه
ساره: أيه أنا بحرينيه بس أمايه عمانيه والله أمايه بتفرح أني بسكن عند ريحت بلادها
نوف: صدج الله لازم تعرفيني ع أمج
ساره: أكيييد ألحين خلينا نام باجر ورانا قومه من الفير
ناموا والساعه سبعه نشت نوف تتزهب حق الجامعه وصحت ساره
وراحوا لجامعه ألي كانت قريبه من السكن وكانوا يروحولها مشي
أول ما وصلوا دشوا الجامعه وكانت روعه مرتبه ومنظمه ساروا حق شؤون الطالبات ياخذون الجدول ويستفسرون عن الاقسام
يلسن يتمشن فالجامعه لان بيكون أول شي أسبوع تعريفي وبعد ساعه بيسولهم أجتماع
بعد ما خلص الاجتماع
ساره: والله تعب وهلاك
نوف: حرام عليج هذا أول يوم تقولين كذيه عيل أخر السنه شو بتقولين
ساره: خلينا من كلامج خلنا نشوف الكفتيريا تراه ميته يوع
نوف :مشينا حتا أنا ميته يوع
مضى الاسبوع بسرعه مابين الجامعه والسكن وبعض الطلعات لسوق