بس أشوفك في منامي صوره يرسمها خيالي
كل ما قربت منها تختفي وسط الخيال
مثل ظميان ترجى يرتشف عذب الزلالي
يتبع اللال ويحسبه يروي الظامي زلال
عقب ما روحت عني عشقت عيوني الليالي
صرت أحب النوم لأن الحلم بالغالي وصال
أنت لي معنى وجودي .. لا تخليني لحالي
أنت لي غيث السحابه يروي أشواق الرمال
شوقي لك شوق تعدى في العلو روس الجبالي
شوقي لك شوق المصلي ينتظر شهر الهلال
كم تمنيت التقي بك وأهتني بشوفك يا غالي
لكن الشمس بقمرها تلتقي ؟ .. هذا محال
مير ربي اللي كتبلي أعشق نجوم عوالي
وأعرف أن النجم عالي بس تشوفه وما يطال