|
قصتي مع الاستغفار والدعاء<<< فرج ربي قريييب
السلام عليكم
كيفكم ياأحلى فراشات
المهم بادخل في الموضوع على طول
يابناااات لاتيأسوا من رحمة ربي والله ان الفرج قريب ورحمة ربي واااسعه
بس احنا دوووم مستعجلين ونبي بس ندعي ويتحقق اللي في بالنا
اقولكم قصتي >>> اخلصي عاد 
لما كنت ادرس في الجامعة قبل سنتين تحديدا حملت معاي ماده وانا كنت وااااثقه اني حليت فيها
بس ربي قدر وعاد انا كرهت نفسي واسودت الدنيا بعيوني 
واستسلمت وقتها وقلت ماقدامي الا ادخل الاختبار مره ثانيه
وفعلا دخلت والله العظيم يابنات ماابالغ ماكتبت شي صححححح
عاد رجعت البيت وانا واااثقه مليون بالميه اني شايلتها مره ثانيه 
بس لما وصلت البيت قلت اصلي وادعي مااحد يدري وش ربي كاتب
وصليت الضحى ودعيــــــــــــــــــت من قلب ان ربي يفرج همي
واستمريت اسبوعين على هالحال كل يوم اصلي الضحى وادعي وبعدها استغفر قد مااقدر
وجا اليوم المنتظر يوم النتيجه 
رحت وقابلت الدكتوره شخصيا قالتلي مانزلتها باقي بس انا مطيوووره وقفت على راسها
وبعدين حسبت درجاتي قدامي و قالتلي للأسف مجموعك ماااينجح ابد
عااااااااد تخيلو شعوري وقتها
بس قعدت اقوول طالما انها تاخرت ومانزلتها للكنترول اكيييد فيها خيره (يمحوالله مايشاء ويثبت وعنده ام الكتاب)
ورجعت اصلي واستغفر
والله العظيم يابنات بعدها مارحت قالو اهلي مابتتعدل النتيجه ماله داعي تتعبي 
ودقيت ع الكنترول بنفسي وقالت انتي ناجحه من قالك عليك ماده
والقصص والله كثييير كثثثير ويمكن فيه بعضكم مايصدق  لاني مره قلتها لوحده من صديقاتي
قالت باسلوب سخريه طيب وليش للحين ماتزوجتي وانتي تدعين 
انا متأكده ان ربي بييسرها وكل تأخيره فيها خيره
لاتيأسيون من رحمة الله واحسني ظنك به
أسأل الله العظيم رب العرش الكريم أن يؤتي كل واحده سؤلها
ويرزق كل من ارادت الستر بالزوج التقي
اتمنى اكون افدتكم
 
|