اهلا بالصبايا الحلوين النهاردة عايزة احكيلكم تجربتي مع الشامبو وسبب العداوة اللي نشأت فجأة بيني وبينه ... بعد ما كان حبيبي والله وبحبه وبحب ريحته الجميلة والانتعاش اللي بحس بيه اول ما اغسل شعري بيه ... عايزة اقولكم جربت انواع كتييييييرة جداااااا بانتين (اللي عشقته).. هيربل اسينسيز (اللي مت فيه).. دوف ... صانسيلك... لكن للاسف يافرحة ما تمت .. اكتشفت ان الشامبو يا بنات دا بيخدعني يخليني افتكره حبيبي وخايف على شعري كمن يعني ريحته حلوة ورغوته منعشة وبيخلي شعري جميل وبيلمع (في البداية بس) لكن بعد كدا اتفاجئ ان شعري بيتساقط ومقصف ومش بيطول اكتر او وقف على طوله ولمعته انطفت (وانا اكتر حاجة بخاف عليها شعري) وعمري ما حطيت عليه صبغات ومعملتوش سيشوار غير مرات معدودة في حياتي وبستخدم زيوت طبيعية لشعري ... قعدت حاطة ايدي على خدي وزعلانة جدا .. طيب اعمل ايه ؟ اعمل ايه لشعري حبيبي المسكين دا؟ رحت للدكتور قلتله الحقني يادكتور شعري يادكتور (زي اعلان ليزا بالجرجير بالضبط) المهم الدكتور قالي بعد ما سمع قصتي ان كله من الشامبو الغدار دا هو السبب ولازم تسيبيه وتبعدي عنه فورا لانه بيرهق الشعر وبيخليه يفقد حيويته ولمعانه لان الشامبو دا شكله حلو كدا بس ملياااان مواد كيماوية مدمرة للشعر وبيسبب التلف والتقصف والتساقط ... المهم قولتله طيب الحل يادكتور ؟؟ اعمل في شعري ايه انا ماليش غيره ... يلا يا احلى صبايا كلكم فتحو عيونكم كويس علشان تشوفو قالي ايه .. ها مستعدين؟؟ بصو يابنوتات قالي ارمي كل انواع الشامبو اللي عندك خاااالص واستعملي شامبو طبي النوع اللي كتبهولي اسمه ميجان بس في انواع تانية كتير حسب احتياج شعرك .. مش عايزة اقولكم بعد ما داومت عليه الحمد لله الحمد لله الحمد لله شعري حبيبي رجعتله حيويته من جديد وبقى يلمع من تاني والتساقط قل خالص وحسيت ان شعري استرد جماله(ماشاء الله ) ورجعلي طموحي واملي من تاني في ان شعري يبقى طول شعر الهنديات هههههههههه... ووداعاااا ياشامبوووو يا تاعبني ومزعلني ..