وددتُ طرح هذه القضية عليكم.
نعلم جميعا أن الإنسان به قلب يشعر بالحب تجاه حبيب ما
وله عقل يدرك به كيف يبلور هذا الحب في الإطار الذي يرضاه الله ويقبله المجتمع
وله جسد يحتاج لإشباع الجنس الآخر له.
هذا عن الإنسان بوجه عام
ولكن إذا تحدثنا عن الرجل والمرأة منفصلين سنجد الآتي:
لا ينظر الرجل للحب كما تنظر له المرأة
لأن احتياجات الرجل من وجود شريكة لحياته ليست هي نفس احتياجات المرأة.
فحب الجسد الذي قد يكون أولوية عند كثير من الرجال
من الممكن أن يفسد حب الروح والحنان الذي تنشده المرأة.
ودائما ما تنصدم المرأة حين تجد أول اهتمامات الرجل هو جسدها وأنه يهمل الحنان والرومانسية في التعامل.
وكثيرا ما يفشل الرجل في منح حبيبته ما تحتاجه من احتواء ومشاعر رقيقة بسبب أولوية الجسد عنده.
هل تستطيع الزوجة أن تتفهم أن احتياجات زوجها من عقلها (في النقاش وإبداء الرأي) وجسدها (في الإشباع)
لا تقل أهمية عن احتياجاتها من الحنان والرومانسية والكلمات الرقيقة؟
وهل يستطيع الزوج أن يتفهم أن احتياجات زوجته من قلبه (المشاعر الرقيقة ولحظات الرومانسية)
لا تقل أهمية عن احتياجاته الشخصية من جسدها وفكرها؟
وهل احتياجات الجنسين من المشاعر الرقيقة والإشباع الجسدي والتقارب الفكري متساوية؟
أم أن الفجوة بين احتياجات كل من الجنسين من الآخر قد تجعل الرجل يشعر بأنه كائن شهواني
بسبب اتهام المرأة له بأولوية حب الجسد عنده،
وتجعل المرأة تشعر بأنها أقل تفاعلا مع زوجها عقليا وفكريا وجسديا بسبب اتهام الرجل لها
بأنها لا تشبع من كلمات الحب ولحظات الرومانسية؟
ممكن ناس كتير ترد عليك وتقولك
صح كلامك ويبقوا معاك فى الموضوع
بس اسمحلى
الموضوع مش كدة يا _____
بس هى اختلاف طبيعة
دى بتختلف من راجل لراجل
فى رجالة موضوع النشوة عندهم اهم من اى حاجة فى الدنيا
ونفس الموضوع فى رجالة تانية
رومانسة بطريقة متتخيلهاش
اكتر من اى حاجة يحتاجها تانية
فى كل حاجة
فى ستات كمان كدة
بكل الانواع
وفى رجالة بتعرف تتحكم فى كل حاجة
وده راى ان يبقى فى تحكم
كنترول
لازم يبقى فى كل حاجة
كل احساس
كل موقف
لازم ادى كل حاجة حقها
الاحساس
الحب
الكلام
الاراء
النشوة
كل حاجة ممكن تتخيلها
فى ايد الرجل
لان هو القائد
هو اللى بيقول وهى بتسمع
هو اللى بيطلب وهى بتعمل
سواء عاطفة
كلام
مشاعر
او اى حاجة تانية
بصوا انا عارف ان اللى بقوله ده مش كل الناس بتعمل بيه
لان ببساطة
اللى قال
لولا اختلاف الازواق لبارت السلع
مغلطتش
انا قصدى بالمثل ان الناس انواع واشكال
وافكار
كل واحد غير التانى
كل واحد ليه طريقة غير التانى
وابسط مثال ان الحلوة بتتجوز والى مش حلوة بتتجوز
والغنى بيتجوز والفقير بيتجوز
بس كل واحد ليه دماغ لازم يلاقى الدماغ اللى تمشى معاه
عشان كدة فى ناس بتفشل وناس لا
طبعا نصيب وقدر كل حاجة
بس اللى بيبص تحت رجليه بس
هو الى بيقع ويفشل
لكن اللى بيبص لقدام
بيكمل حتى لو اتكعبل كتير
وعشان كدة فى رجالة بتدى كل حاجة
ويلاقى ست تديلوا كل حاجة بردوا هو عايزاها
بس
بس ايه بقى الاختيار
هل انا اختارت واحدة بتحب اللى انا بحبه
يعنى انا بحب ارغى وراغاى
هل اخترت واحدة رغايا زى ومبتزهقش من الكلام الكتير
انا بضحك على طول واحب النكت والهزار
هل اخترت اللى بتحب النكت والهزار
مهو الموضوع مش حب بس
ولا نشوة بس
ولا كلام
ولا شخصية
ولا فلوس حتى
الموضوع
جواز
اربع حروف شايلين حاجات كتير اوى
ياجماعة بجد اهم حاجة فى الجواز الاختيار
فى رجالة كتير جاهزة للجواز
ومبتتجوزش
عشان مش عارفة تختار
عشان والدته تقوله تعالى شوف فلانة بنت مش عارف مين
يروح زى اللمؤخذاها
عشان يشوف
يشوف يعنى
يعنى يتفرج
يتفرج يعنى ايه
يعنى يتعجبه متعجبهوش
يعنى ايه برده
يعنى سوق
وبينئى الاستاذ
طيب مش عارف اقول ايه تانى
اذا كنا عايشيين فى مجتمع
مفيش حد فيكوا يقدر يقولى انه مجتمع منغلق
لا احنا عايشيين فى مجتمع منفتح
فى الشغل فى بنات كويسة
فى العيلة
فى المنطقة
فى النت فى بردوووو
مش عارف تجييب لنفسك انتا بنفسك واحدة من الناس دى كلها
تكون شايف فيها اللى انتا عايزه
وسايب الحاجة تدورلك
طيب مهو ببساطة
انتا اللى عارف انتا عايز ايه
مش الحاجة
تعرف كان قصدى ايه لما قلت اللى بيبص تحت رجليه
يعنى اللى يبص لقدام
يتخيل مع نفسه هى دى تنفعنى فى البيت
يعيش كدة فى كل موقف هو بيحبه ومبيحبهوش
هى تنفع مثلا لو اعت احكيلها على كذا كذا الى بحبه
هتعيش معايا فى
طيب هى بتحب كذا ولا لا
طيب هى ليها فى مش عارف ايه
ولا ايه
لكن اللى بيبصى تحت رجليه
هيموت عالجوازوخلص
عايز اجوز جوزونى
ويتجوز بسلامته
ومختارش صح
عيش فى نكد بقى ياللى عايز تتجوز
كل ده انا بتكلم عالراجل
طيب فين انتى يا انثى
للاسف حال الجواز فى البلد ضايع
والبنات اكتر من الولاد
والبالتالى البنات اللى اعدة من غير جواز اكتر
وسنهم بيكتر وللاسف بنات كتير مبتبصش لقدام
مبتفكرش هو بيحب اللى انا بحبه ولا لا
وهكذا وهكذا
فى بنات بتقول انا مصدقت عريس
مش عشان هى وحشة او فيها حاجة
لا هى متتعيبش
بس استنى لما يجى اللى يناسبك
اللى يناسب شخصيتك
لو محصلش ياجماعة الاختيار اللى بقول عليه ده
عارفين اللى هيعمل كدة هيبقى مين
هيبقى واحد من اللى قال عليهم عمرو فوق
انتا ليك اهتمامات وهى بتشدها اهتمامات تانية
خالــــــــــــــــــــــــــــــــــــص
وبالتالى هو بيهتم مثلا بالنشوة اكتر منها
وهى بتهتم بالعاطفة اكتر منه
ميكس مش راكب
زى ميكون
شاى بالسوبيا
او
لبن بالتمر هندى
لا ده نافع ولا ده نافع
تخيلوه بعد متدقوا الميكس الى طعمه وحش
الى مش نافع ده
تدوق الشاى باللبن
بجد كفاية كدة انا طولت اوى اوى
نفسى بقى فى كوباية شاى بالبن
بس احنا صايميين
بس صيام الشاى باللبن اللى انا عايزه
مبيخلصش مع رمضان
بس عادى انا مستنى عشان اظبط الكوباية صح