شوفي يا ستي
بصرف النظر عن الصوره الي فوق
هههههههههههههههه
كتير جدا من البنات بتتخطب ومش بتعرف اذاي تخلي خطيبها يحبها اكتر ويسمع كلامها
وانا بتكلم عن الخطوبه الي شرعها ربنا
والكلام ده خاص بالمكتوب كتابها
معايا
شوفي يا ستي
الشاب من دول لما يوصل لسن الخطوبه بيكون طالع من بيته
ومامته محسساه انه لسه نغه
وتدلع فيه وتعامله انه لسه عيل صغير
ومش بتاخد بالها انه بقى شحت واطول منها كمان
وتدي اوامر وتعليمات وتحقيقات
وكان الواد مكبرش
خليوا معايا
هقولكم على سر الصنعه
احساس الواد من دول لما يخطب انه عايز يحس انه راجل
ويمارس رجولته دي على ست الحسن والجمال
وطبعا هتقولي انتي دخلتي غلط
مين ست الحسن دي
ههههههه
هقولك انتي يا سكره ست الحسن والجمال
يبدا يقولك راحه فين وبتكلمي مين ويحس انه عنتر زمانه
ماشي يا ريس
عديها
قولي في سرك
عايز تبقى عنتر هديك الاحساس ده
وتخليكي بسكوته ضعيفه
ومثلي دور الانثى ابوس ايدك
انا عارفه انه كتر ركوب الاتوبيس
والحر
والجو العام في مصر
البنت لازم تكون راجل وصوتها اخشن واديها جامده
ههههههههههههههههه
انتى النهارده هتكوني انثى
صوتك رقيق
بقول حاضر ونعم
وعنيه بريئه
وهو يحس انه عنتر
ويعوض عقدة النقص هههههههههههههههههه
الدرس الاول مفهوم
النكد
الشاب من دول بيشتغل علشان يعمل حاجه
ويجهز نفسه علشان يتلم معاكي في بيت واحد
بيروح الشغل والمدير بيشده علشان اتأخر
ودوشة الشغل وانتي في وسط النهار تكلميه
الولد مشغول ومقهور من مديره او من ضغط العمل وانتي في البيت
رايقه
وتقوليله انت فين
انت مش بتكلمني
انا انسانه يا شيخ عبرني
الولد قلبه يرق ويقولك مالك يا حبيبتي
تقوليله انا عايزه اشوفك
يقولك هخلص شغل واجيلك
ولما يجيلك
تبدأ اسطوانه
انا مخنوقه
هههههههههههههه
طبعا عايزين تعرفوا ايه الاسطوانه دي
هقولكم
واتحدى بنت مشغلتهاش لخطبها
معايا
الاول ادفعوا الي عليكم
هههههههههه
اسطوانة انا مخنوقه
يتصل او يجيلك
صوتك مخنوق
يقولك مالك
تسكتي
يقولك مالك يا حبيبتي
يتتكلمى وصوتك مليان دموع
يقول في سره
ردي الله يخرب بيتك
ويقولك انتي مالك
تقوليله انا مخنوقه
ويقول في سره مخنوقه ده انا الي عايز اولع في نفسي منك
ويقولك ايه بس الي خنقك يا حياتي
تبدئي بقى مشوار النكد
تقوليله ماما
وترصي حكاياتك عن امك وبتعمل فيكي ايه
واذاي هى بتضايقك وكل القاعده عياط ونكد ويمسك ايدك
ايوه ده المفيد يمسك ايدك ويمسح دموعك
بس
كفايه كده
هههههههه
طبعا الواد خد جرعة نكد ولا احلى وانتي خدتي جرعة حنان ولا اجمل
بس يا شاطره هقولك نتيجة ده عليكي وعليه
بس اروح الاول اشوف الدرج
لحسن انا شايفه ناس
بتدخل بدون تذاكر
ههههههههه
الحمد لله لقيت مبلغ مش بطال
على الاقل حق التكلفه
ههههههههههه
خلصنا من اسطوانه ماما
وكل ما يتكلم معاكي تقوليله انا مخنوقه
مره من باباكي الي بيفضل اختك عنك
ومره من اخوكي الي لاغي شخصيتك ومره من اختك
الي بتاخد حاجتك
يعني يا حلوة طلعتي عيلتك شرك
العيوب
عيوب العيله بتقلل حبه ليكي
كل ما يحس ان امك تحبك اكتر وابوكي بيعملك حساب وان اخوكي سندك واختك حبيبتك
يحبك ويموت فيكي
وكل ما يحس انك بنت ناس
ومعنى الكلمة
انك عيله بتحترم بعض
بيحترمك
لانه مش عايز يكون اقل منهم في احترامهم ليكي
يعني يا قمر كبري من عيلتك يكبر بيكي
معايا
انتي الي بترسمي شخصيتك بايدك
ممكن تطلعي نفسك تافهه
وممكن تطلعي نفسك
فتاة احلامه
هقولك
مش شرط تكوني جميله
لانك لو رقيقه هيشوفك اجمل واحده
اولا
ابعدي عن الخيال
اوعي تتخيلي خطيبك انه رشدي اباظه
لان معظم الشباب بيخافوا من الضلمه
ههههههههههههههه
يعني لو ماشيه معاه وفي حاجه خضتك انتي وهو
وطبعا شفتيه كان هيموت من الخوف
اعملي نفسك مختيش بالك
وقوليله ده انا اترعبت وانت ايه يا اخي ولا بان عليك حاجه انت مبتخافش
هقولك ايه يا بنتي وهيحاول يخبي رعشة صوته من الرعب
انتي كده بتخافي من اقل حاجه
معلش وقولي في سرك دك خيبه
ده انت كنت هتعملها على نفسك هههههههههههه
وتقوليله انا حاسه بامان وانا معاك
وحسسيه انه طرازان
هههههههههههه
ماشي يعني عيوبه نخفيها
حد معايا
الي وصل للجزء ده يكتب
طرازان
اهم حاجه ان الولد بيصلي
ومش بتاع ستات
وانا محدده ستات مش بنات
لان الفرق كبير
يعني بريئ
والاكتر
انه مش بخيل
يبقى توكلي على الله
واترسمي وارسمي
نفسك وحبيبه فيكي
حد عايز تفسير اكتر انا معاكوا
عجبكم الموضوع
الزن على الودان
ومن هنا يجي دور عيلته
يعني لو امه قرشه ملحتك
وحطاكي في دماغها
مش هيكون في صالحك
خليكي ذكيه
مثاليه
هتقولي اذاي
هقولك
امة دي ولدته وكبرته وتعبت فيه ولما خلاص بقى راجل
عايزاه يكون ليها ودايما الام بتحس ان ابنها ملها
وانتي مهما طلعتي ونزلتي ضيفه مش من حقك تاخديه
فلازم تحسسيها انك وابنها ملكها علشان تتقبلك
واوعي تشتكلها من ابنها
فاهمة يا شابه
لانك الغريبه
ومهما ابنها عمل
مش هتتقبل منك كلمة عليه
وانا ادعي على ابني
واكرهه الي يقول امين
السلام
لما تيجي تسلمي على مامته او باباه
تبوسي الخد وبعدين تبوسي من الجبين
اد ايه الموضوع ده مهم وبيحنن قلبهم عليكي
يعني
بوسه كده وبوسه كده
وبوسه في الجبين
بالنسبه لمعاملة اخوات الزوج
بالنسبه لاخواته البنات
عامليهم بالحسنى واوعي
تخدي الواحده من دول اختك او صحبتك او سرك
في فرق انك تحبيهم وتعامليهم بالحسنى
وانك تحطي فيهم كل الثقه
تعاملي معاهم وحسسيهم انهم اقرب ليكي من اختك ولكن في الحقيقه ابعد ما يكون
هم ذي النار
اما اخواته الولاد احسن حاجه معاهم
خير الكلام ما قل ودل
وابتسامة خفيفه
خليكي ظل بالنسبه لهم
يتشاف بس
وملامحه مش واضحة
كلام جميل
ولا
ساعديه على الطاعه
لما تشوفيه
تسلمي السلام بالكامل
كل كام دقيقه تقوليله تعالى نستغفر
علشان رزقنا يزيد
في وسط الكلام تقولي سبحان الله
اعمليها لعبه لما تحبي تفصلي بين اي موضوع قوليله قول ورايا
وطبعا وانتي بتضحكي
مش كأنك ماسكه عصايه
هههههههههه
استغفر الله
والله هتكون لذيذه
وطبعا متنسيش
بعد النم على اصحابك
ههههههههههه
تستغفري ربنا
ههههههههه طبعا بضحك
اهم حاجه
اوعي تحكي له عن صحبتك سواء حاجه حلوة او وحشه لان ممكن يكون عيب في صحبتك
بس بيعجبه
يعني في رجاله يحبوا البنت المتعجرفه
فتحكي وتحكي
وهو يفكر ويفكر
معايا ولا ايه
طبعا احنا متفقين
ان الخطوبه الي بتكلم عنها
هى كتب الكتاب
واحنا في شهر مفترج
والكلام الرومانسي جميل
حاولي بس تعبري عن شعورك
ساعات البنت تكون رومانسيه وخطيبها لاءه
ودي بتكون مشكله
ولكن البنت بطبيعتها انسانه وحساسه ورقيقه
حاولي تتركي لمشاعرك فرصه تعبري فيها عن نفسك
والشاب طالما انتي حقه وملكه
هيسعد ويموت بالفرح بيكي
اما لو البنت كانت على علاقه بس بيه
هيقول عليها فالته وقليلة الادب
ههههههههههههه
طبعا انتم داخلين على جواز
حسسيه انك شاطره حاولي تتعلمي الطبخ
اعملي حاجه يحس بيها انك بتوفري له
يعني لو حب يجبلك هديه وقالك انا عايزك اشتريلك حاجه قولي بتنا اولى
دايما تحسسيه وتغرسي فيه
ان بتنا اولى
علشان بنتمى لبيته قبل ما يدخله
لو جاب الهديه مفاجءه
حسسيه انك فرحت وقولي بصوت رقيق
ليه كلفت نفسك
مش كنا جبنا حاجه للبيت
انا عايزة اقصر المسافه ووفر تعبك
لازم يعرف انك سره وهو سرك
لو كانت اختك او صحبتك اقرب ليكي من نفسك
اوعي تحكلها عن خطيبك
لان غلطة واحده تتضيعي خطيبك منك
بلاش كل شويه
اشتكي منه لماما
او بابا
الانسان بيغلط
وذي ما قلتلك
الولد طالع من الاسره
متخبط
بيحاول يكون راجل
والولد لما يلاقي خطيبته
حيطه سد
محدش بياخد منها معلومه
بيسيب كل مشاعره معاكي
فهمتى يا ورزه