بتـــــاريخ : 12/15/2011 7:10:58 AM
الفــــــــئة
  • الآداب والثقافة
  • التعليقات المشاهدات التقييمات
    0 964 0


    قصته مع الجن

    الناقل : فراولة الزملكاوية | العمر :37 | الكاتب الأصلى : البروفيسوره | المصدر : forum.te3p.com

    كلمات مفتاحية  :
    رواية قصته مع الجن

    السلام عليكم ورحمة الله وبركاته

    قريت لي قصه واقعيه عن الجن وحبيت انزلها لكم

    سووري فييه اغلاط املائيه بالقصه بسس ماحبيت اعدلها لانه الي حصلتله القصه كاتبها بنفسها ونقلتها نفسس ماهيي


    انا ولجــــــــن )}

    بسم الله الرحمن الرحيم

    في البدايه سلام وفي النهايه ختام ببدا بسم ربي ونتهي به اولآ سامحوني اذا بدا في الكتابه اخطاء

    قصتي طويله وأتمنا تنال اعجابكم ورضاكم ولحين خلونا ندخل في السالفه لأني حسيت اني طولة عليكم

    طبعآ قصتي باينه من عنوانه في يوم من الأيام في أجازه الصيفيه عام 1431 ذههبة لديره كالعاده عندي بيتنا

    هناك فاضي ونصيته نمة اليوم الأول فيه وبعدها طلع النور وصحاني ونا اسمع صوت جوالي يرن ورفعه

    الو .

    الو . ) هلا ولله كيف حالك < خويي داق علي وقال اليوم نتعشا سوى ونطلع شعيب وسط وادي


    قلت له تم وبعدها جهزة نفسي لبسة الثوب ولشماغ وقلت يله الهمه بروح له قبل لا اتأخر عليه


    شغلت الموتر ومشيت لرجال في المكان المحدد وصلت له ولبقة موتري وركبة معه قالي موترك صغير

    ونا بندخل شعيب كله تغاريز ومشاكل قلت له تم بس المشكله موتره غماره وحنا ثلاثه قال قال ثالثنا

    بركب في الصندوق قلنا زين شغل الرجال ومشينا دخلنا الشعيب وولله الشعيب زين طلعنا العزبه ولقدور

    وشبينا ضونا وصلحنا العشاء وتعشينا المهم جت الساعه 00’12 اليل ونمنا لنا ساعتين وقومنا خويي


    قال مشينا حملنا العده ولعزبه وحركنا صارت الساعه 00’2 والجو زين وقت فجر وبراد المهم بعدها

    ب نص ساعه سمعنا خوينا الي راكب في الصندوق يطق الدريشه قلنا اكيد يستهبل وخليناه المهم

    ونا اتلفت يمين ويسار شفت ضباب اسود على شكل سحابه طالع من جبل ولتفت عليه مره ثانيه

    اختفى الضباب قلت لنفسي استر ماجاك ويمكنه وهم وخلني ساكت مشينا شوي ووقف خويي

    السياره بشكل قوي قلت وشفيه قال النور العالي حق السياره شغل بنفسه قلت يعني موب انت

    قال قسم موب انا ومن الخوف خويي لقم القير ب النمره الثانيه ولموتر نشيط ماشا الله هايلكس 2005

    وقام يفترى ولف ورجعنا بسرعه ونا راجعين خوينا الي في الصندوق قام يطق القزازه بقوه قلت وقف وقف

    ونزلة ورحتله وقول وش فيك يا (خالد) قال نزلني ماقدر اشيل نفسي حسيت ان الرجال جاه شي قلت له

    تعال اركب وقلنا وش صار دخل السياره وكنه يقول بررررررراد ابي اتلحف وحنا نسألهه وش فيك قال شفت

    قلنا وش شفت قال شفت جني قلت اذكر الله يارجال كلنا شفنا قال لمسني قلت مابلا العافيه اذكر ربك

    الرجال كنه هدا ورتحنا وبعدها بخمس دقايق حسينا ان فيه شي بعيد نشوفه بس موب واضح لما قربنا

    شفنا بعير (جمل) اسووووووووود منوخ على الأرض حنا استغربنا بعير في شعيب ماحوله مرعا

    وماخبرنا بالمنطقه ذي ان فيها بعارين ومشينا وحنا عارفين انه جني على شكل بعير بس كلنا ساكتين


    مانبي نزيد الهم وبعده بخمس دقايق لقينا نفس البعير ولما شفناه قلت للي يسواق اسرع اسرع


    ورجال كاتم على الموتر ولبعير يلحقنا في كل مكان كأنه يقول اطلعو من مكاني ولله وحنا طلعنا ولما وصلن

    الشارع وقف البعير ومشينا وعرفنا ان حنا داخلين شعيب مشهور بالجن ويسمى شعيب ديم في محافضة

    حوطة بني تميم وأذا تبي تتأكد حياك بس ما انصحك حنا طلعنا بس غيرنا يمكن مايطلع

    وهذي سالفتي الي حاصله للكاتب الطير



    وقسسسم لو انا من خويهم لنجننننن

    تحياتي لكم

    منقوووووووووووووول


    كلمات مفتاحية  :
    رواية قصته مع الجن

    تعليقات الزوار ()