“بلا جواز بلا نيلة” هذه عادة اول جملة أسمعها من أى شلة بنات زى الفل اعدين مع بعض. و طبعا و إنتم فاهمين الشلة ديه مش بتبقى بنات عازبه بس ” مش متجوزه يعنى” و لكن عادة ما يتخلل الأعقدة و اللامه الحلوه ديه كام واحد متجوزة على كام واحده متجوزة و مخلفة. و طبعا خذ الخبرة من أهل الخبرة و تسمع الجملة ديه بأعلى صوت “بلا جواز بلا خيبة ..يا شيخة إنتى كده مرتاحة” و بالطبع ممكن طبعا فى نفس الوقت تكون “بتقرا المعوزتين” و لا ماسكه خشبة الترابظه خايفة من الحسد و إلخ. اه تنكرواّ!!! طيب عشان بس قبل ما نبتدى الموضوع و لا انا غيرانا من المتجوزين و لا انا جاية احسد…انا جاية يا اهدى يا اهد النفوس و ارجو نبطل النفسنه ديه ..كفاية الإشاعات اللى طلعه علينا ..إرحموا.
خلاص مش هتجوز:
بالطبع هذه نتيجة طبيعية لأى فتاة سمعت ما يكفى من الشكاوى و عمايل الرجالة السوده. و بالطبع تنفرد كل واحده بسرد العديد من القصص المؤسفة و المحزنة من “معزبها و ممرمتطها” حتى قد يصل الأمر إن” قلته أحسن” و حجات تانية دون داعى لذكرها. و بالطبع بعد هذه الجلسة التأديبة و مائدة المعقدين العليا، تقرر فى ذلك الوقت أى فتاة لم تتزوج بعد و كانت تحلم بحياة رومانسية و كلمة حلوة قد تشجعها، إنها لم و لن تتزوج أبدا. مش حرام عليكم!! و تقول البنات بتعنس..البنات معقدة.
يا ناس يا شر كفاية ار:
بالطبع كل واحدة متزوجة..تقوم الدنيا و متاعدهاش و تفتضل تشتكى مر الشكوى من الجواز و المتجوزين و اللى عايزين يتجوزوا و طبعا عشان تسبوك الدور ممكن الصوت يعلو كناية عن إرتفاع ضغطها يعنى أو ربما تبدأ فى البكاء…و لكن أود أن اوضح لسيادتكم “و خاصة المتجوزين” حاولوا تلموا الدور عشان مكشوف على الاخر ليه باه:
- اولا عادة ما تظهر عليك علامات السعادة أو بمعنى اصح النعمة يعنى مثلا جوزك سايبك تخرجى مع أصحابك و متشيكة على سنجة عشرة..يبقى الأحسن تسبكى الدور و تلبسى اى كلام عشان ميبنش عليكى.
- ثانيا: عادة ما تحاول المرأة التعيسة ان تخفى تعاستها ” بعيدا عن الشواذ” مش تنفرد بنشر فضايحها.
- ثالثا: شكاوى هينه و من الأخر هبلة فمثلا “مش بيساعدنى فى شغل البيت”..بالطبع بالنسبة لأى فتاة مش متزوجة هتقول ” بس و فى راجل بيساعد” ..ردى باه يا فالحةّ!!
الحسد موجود:
بالطبع الحسد موجود و من الممكن أن يحدث و لكن هذا لا يعنى إنك تظلى تنوحى طول ما انتى اعده. فقد يستفز أصدقائك و ينفر منك البعض لمعرفتهم إنك تحاولين منع الحسد. و أيضا مظهر زوجك بعد ما قطعتى فى فروته الذى أصبح لا يسر عدو و لا حبيب. فأرجوك حاولى أن تتماسكى و بلاش الخوف من الحسد الذى قد يتحول إلى مرض فى بعض الأحيان.
و انا مال أهلى:
هذه النظرة اعرفها جيدا..اه نظرة الإستنكار..فكلما بدأت السيدة المحترمة المتزوجة فى الشكوى و التى ربما قد يصل بها الأمر “لأدق تفاصيل حياتها” تجلس المأسوفة على شبابها تنظر إليها نظرت إستنكار و عايزة تمسك فى زمارة رقبتها و تقول “وانا مال أهلى!!”
معلش يا حيبيتى:
اه طبعا و اللى يزيد الطبن بله إن الأخت المتجوزه بتفتكر إنها كده يا عينى بتواسى صاحبتها “اللى مش متجوزه” طبعا و تعد تقولها الإسطباه المعروفة “متزعليش ده الجواز قرف و مسؤولية”. و طبعا الامورة اللى مش متجوزة..تتضايق فهى لا تريد العطف و لا الإحسان و أيضا “تريد المسؤولية..و القرف اللى بتقول عليه دهّ!!!”.
الصمت أفضل وسيلة:
يا ستى خفى الدور شوية مش لازم تعدى تنوحى و من الأفضل إذا لم تستطيعى قول كلمة كويسة..فإصمتى أو حتى قولى “يوجد فى الزواج أشياء كويسة ووحشة..عادى يعنى “و مش لازم تعرفينا تفاصيل حياتك… شكرا يا ستى. فلا تسئ إلى زوجك أو نفسك امام الحاضرين لمجرد الخوف من الحسد.
أحلى ردود:
إنتى ساكته ليه؟؟؟ هذه الجملة اللى بتبقى على طراطيف لسانى..ايوه الله.. كلما سمعت الشكاوى التى بلا نهاية و لا بداية…و تجدى يعينى البنت اللى مش متجوزه أعده ووشها فى الأرض أو عمله دور المتفاجاة. و عشان باه نخلص من الموضوع ده و نجيب أخره زى ما بيقوله قررت أن أعطى بعض نصائح لكل فتاة “مش متجوزة” طبعا و اقول:
أولا إذا سمعتى “بلا جواز بلا نيلة” ردى فى الحال و قولى ” الجواز حلو بس انا مستنية اللى يقدرنى” اه ردى و صدقينى سوف يحدث للصديقتك المتجوزة” سكته كلامية..أى “بواذ” زى ما بيقوله..على الأقل سوف تتوقف عن الحديث لبعض دقائق.
ثانيا: و لأن الكثير من المتجوزين زننيين و مفيش فايده ستستمر فى الشكاوى و إذا بك و فى برود تام قولى “ياه ده جوزك فظيع و إنتى ايه اللى مصبرك على القرف ده” ربما ستفرح ظنا إنها إنتصرت و منعت الحسد و لكن صدقنى سوف تشعر بقبح ما تقوله و كيف أعطتك هذه الصورة السيئة عنها.
لكل فعل رد فعل:
طبعا لو حضرتك ظلتى تشتكى من “الوحدة” و ” إن لسه مقبلتيش ابن الحلال و إلخ” ..سوف يعرف البعض إنك مستية تتجوزى بفارغ الصبر و إنك حسادة…و إعرفن إنك السبب فى “الموشحات” اللى نزلة ترف عليكن من المتزوجات. و لذلك أرجوى ثقى فى نفسك و تاكدى إنك سوف تقابلين الشخص المناسب لكى..مهما طالت المده…ثقى فى ذلك.
و فى الاخر تقول الولاد بيقول علينا “منفسنين ليه؟؟؟”
