بتـــــاريخ : 10/4/2011 3:10:06 PM
الفــــــــئة
  • الآداب والثقافة
  • التعليقات المشاهدات التقييمات
    0 981 0


    حافي في دولة المسامير

    الناقل : SunSet | العمر :36 | الكاتب الأصلى : عبدالناصر حجازي | المصدر : www.adab.com

    كلمات مفتاحية  :

    مولود كفيف

    ما بين مخابز حلمى باتسوّ ل رغيف

    ساند على اكتاف الأمل

    عاوج دراع الصبر إيد عكّاز

    يمكن عمايا يكون سبب جهلى

    ورثت عن أهلى جدار مهدود ،

    وحمل تقيل على اكتافى

    مولود انا حافى ...

    فى دولة كلها مسامير

    بارضع فى صدر الجوع ...

    وباشرب من عكار البير

    مكتّفانى الأسئلة ،

    حزّة ف رقبتى السلسلة ،

    عطشان غنا ،

    وجدارى محتاج للبنا

    وعشان كفيف

    العتمة بتحرّض وطاويط أزمتي ع العربدة

    وخطوتى العرجة إستجارت م المسير

    والذنب مش ذنبى ،

    ولا بإيدى انولد حافى ....

    فى دولة كلها مسامير

    كلمات مفتاحية  :

    تعليقات الزوار ()