وبستنى القمر يظهر
ف طلة وشك الطيب
وبتمنى الثوانى تفوت
وتتلحلح وتتشطر
الاقى العِند ف عنيها
يغيظ اكتر...!!
وبتْعيب على حيرتى
ولون وشى اللى متغير
اقول هاصبر
والم حروف وانا خايف
لتتبعتر
واقولهلها
خلاص جايه وهننساكى
ولا هنحس بيكى لما هتعدى
وما يهمش
اذا كنتى هتمشى قوام
ولاّ حتى هتهدى
وبين شوقى وقلق بيزيد
شعرت بفرحه ف عروقى
بتتنطط فى كل وريد
فقلت لقلبى ايه مالك
فقالى بص راح تعرف ...
اتارى قلبى شافها هناك
واعلن انها وصلت
وجايبه معاها فرحة عيد