ليه انا بحلم بيكى كتير بعد ماجفت بينا بحور
ليه بتجينى تمللى فـ حلمى بعد ماعجّز شجر النور
مش راح افسر حلمى عشانك اصل دا حلم مالوش تفسير
***
بعد العمر ده كله ماراح جايه بجرح تداوى جراح
لا دانا شفتك آخر مره عصفوره طايره بالف جناح
روحى عيشى فى قلب زمانك قربك منى مالوش تاثير
مش راح افسر حلمى عشانك اصل دا حلم مالوش تفسير
***
كل مابحلم بيكى بشوف قلبك وسط الليل بيطوف
زى النحلة بتروى عطشها من انواع الورد الوف
واسأل بعد مافوق بكتير ازاى كنت عليكى بغير
بعد ماشفتك مره بعينى هو الشوف محتاج تفسير