ولا كل الخشب بيخف
ويعوم في الهوا ويطير
إسألهم يا شيخ دردير
أنا نمت الليلة دي كتير
يقولوا لك حلمت شوية
أيام العمل في الشمس
بتشر العرق وعينيٌه
وشافوني في دار الأحياء
من رجب الإمام لبولاق
مستعصي على الإلغاء
نعناع العرب وفليه
أيام العمل في الشمس
بتشر العرق وعينيٌه
مش خايب رجا ومتعوس
وديوك يناقروا تيوس
امبارح في روز اليوس
اجتمعوا في باط الحية
أيام العمل في الشمس
بتشر العرق وعينيٌه
وتيوس يناطحوا ديوك
وانا قلبي موتور مفكوك
وبيحمل كما المكوك
الناس اللي رايحة وجاية
أيام العمل في الشمس
بتشر العرق وعينيٌه
كان نور الخيال وياه
بيغني على ليلاه
باستغرب لأول آه
مش لاقية الآهات في الخية
أيام العمل في الشمس
بتشر العرق وعينيٌه