أنا مش عايزة أكون أسبرينه
يعني إيه بقى
فتحو معايا كده و ركزو
امتى بناخد الأسبرين
لما بنكون موجوعين صداع بقى ولا شوية برد ولا سخونية كده يعني
طيب ايه هو حب الأسبرين
يعني لما أكون عارفة إن اللي قدامي ده حد لسه طالع من قصة حب فاشلة
و أنان متأكده من ده
و كنت بهون عليه الوجع بتاع القصة دي
شوية شوية و في ناس بتبتدي تحس بالتعاطف و الالفة
هو يبتدي يحس ان اللي قدامة دي بسلم و أجدع جدعة
و بتواسية
و يبتدي يقرب منها
و هي بقى تكون الأسبرينه
يبتدي يقرب منها و يقولها كلام واحشه قوي انه يقولو
و يجي للواحد احساس عجيب كده انه مكنش بيحب اللي جرحته دي في الاول
ده كان موهوم
و الاسبرينة دي هي الحياه كلها
الرك على الطرف الاسبرين بقى
هو الطرف اللي هيتضرر قوي
لأن بعد فترة هتكتشف انها كانت اسبرينه
يجي حد يسال طيب من الأول هي اساسا وافقت انه يقرب منها ليه
نرجع تاني لنقطة الفراغ العاطفي
هو عايز يقول الكلام ده
و هي تكون نفسها في ده
و يعيشو في قصة حب مزيفة تماما و مؤقته
عرفين بيكون زي تعاطف مريض هيقعد فترة كبيرة في المستشفى للممرضة بتاعته
هي بتساعده و بتستحمل عصبيته سعات و بيحس انه من غيرها مش هيقدر يعمل اي حاجه هو عايزها
شوية و يبتدي يتعلق بيها
و يقول بس هي دي
الحنيه و المساعدة و التحمل
هي بقى بتكون المفروض عارفة ده و متدربة عليه
يعني مشاعر المرضى مشاعر مؤقته و شوية لما يخرج لحياته و يرجع تاني قادر على خدمة نفسه و يشوف الدنيا
هينساها و ينسى المستشفى أساسا
الإنسان في لحظة ضعفه أو وجعه بيكون زي أسفنجة مشاعر
عايز مشاعر تداوي المكان الفاضي ده
الحب مش دوا مكان جرح من حب تاني
الحب ده لازم يكون كل واحد من الطرفين في حالة اتزان كامل
بمعنى أبسط
ميكونش انا عندي حاله فراغ عاطفي شديدة قوي
و حاسه بوحده
و يكون في حد حاليا عارض عليا حبه
و رغم ان نفس الشخص ده في وقت كان نفسيتي متوازنه فيه انا رفضته
كده ببقى باخد اسبرين بس بشكل مختلف
من الاخر الاسبرين مش غذاء دايم
ده حباية او اتنين نداوي وجعنا و نسيبه
***********
متخليش نفسك حبيب أسبرين
و الاخر تتهم الناس انهم بيجرحوك