انا انهرده عملت تورته الملفيه بجد فى منتهى السهوله واخدت طريقتها من العضوه لؤلؤه
هى بسيطه وسهله واى حد يقدر يعملها وجزاها الله خيرا للعضوه لؤلؤه
لانها هى اللى فكرتنى بيها
اولا انا جبت الملفيه جاهز موجود فى اى مكان سعرها 11جنيه ودى صورتها
وبعدين جبت باكو كستر ونص كيلو لبن و4معالق سكر وعملت بالطريقه اللى على الكيس
بس بعدين جبت طبقات الملفيه هما 3طبقات غطيت اول طبقه وتانى طبقه بس بالشكل ده
بعدين حطيت تالت طبقه وغطيتها بالمربى
على فكره المربى كانت مكلكعه خالص حليتها بشويه ميا صغيرين قوى
علشان اعرف افردها على اخر طبقه بالشكل ده
بعدين جبت شيكولاته مطبخ قطعه كده اقل من ثمن كيلو ودخلتها الميكروويف عشان اسيحها
ممكن تسيحسها على حمام ميا دافى ء
بعد كده بالمعلقه او طرف السكينه عملت خطوط كده بالشيكولاته
وبعدين بطره السكينه سحبت الخطوط عشان تعمل الشكل ده
معلش الخطوط تخينه ومش مظبوطه
عايزه ظبط اكتر
وفى الاخر غطيت الجوانب بشويه كستر عليهم شويه من الشيكولاته السايحه
وبعدين جبت لوز وزوقت بيه بالشكل ده
ياريت تجربوها سهله قوى وكمان لو جالك ضيوف على سهوه حلوه وشيك فى التقديم