مستني صوتك من تاني يناديني
صوتك ناداني .. أحكي وسمعيني ؟؟
مشتاق لصوتك أنا .. يا حبيبتي ناديني
عنيا جايه لعنيكي تحضنها
في حضن قلبي يا قلبي هغني لها
اتمنيت اشوفك .. واسمع صوتك يناديني
ناداني صوتك ليلتها .. صوت رنان
أدوب واقول مش سامع قولي كمان
سمعني يا غالي ضحكتك ..
ياللي من القمر واخد رقتك
دوبت انا فيكي صدقيني
وحياة عنيك الحلوة .. عيونك جننتني
جوعتني وأكلتني .. عطشتني وشربتني
لما سمعت صوتك .. قلت للساعة كفاية دق
عاوز الدنيا توقف حواليا .. وعندي الف حق
وحياة عيونك ديا بعيونك ضميني
مين زيي بغازل ملاك الكون قدامي
ايديا في ايديها .. وعنيها ضاماني
تهت انا في حبك يا نجمة في سمايا
عشقتك أنا .. وكل املي ورجايا
أسيب الدنيا عشانك يا نور عيني
هقابلك الليله وكل يوم هشوف فرحتي فيكي
اسمع اسمي من قلبك .. وتسمعي قلبي يناديكي
هنروح هناك بين السحاب اسمعك غني لي
واحضن في الخيال رسمك تعالي لي
وهفضل علي حلمي أعيشه مستني
في الحب دايب وفي الغرام هنيني
وبين النجوم نسهر طول عمرنا
نور الشمس والقمر بيغنوا لحبنا
يا قلبي عيش يا فرحتك يا هناك
صوتها قال لي .. هعيش العمر وياك
وهفضل هنا ..
مستني صوتك من تاني يناديني