قومي يامصر وغني ...
اليوم لكِ صوت جديد
ينشد يقول ولادى ..
يهز صداه الشديد
كان فين صوتك يا أمي ..
سامحيني غصب عني
غصة وكانت في زورك
خنقت فيكِ الكلام
لكن عيونك صرخت ..
قوموا ..ياولاد.. كفاية
أجيال ورا أجيال ..
مين راح يشيل الراية !
مارد وشق طريقه ..
من التحرير ونادى
قوموا ..هبّوا قوام
جرح الغالية دامي
..وسحر شِفاها قدامي
مدفون في أرض بلادى
في قلب ميدان التحرير ..
ايدكم معايا قوام
نلحق نخرج دواها..
نفضوا ولادك ترابك
بسواعد شابّة أبيّة
وبفيس بوك شقّوا صخورك
سطّع من بينها نور
قال ده التمن غالي
زاد الولاد إصرار
حنّوا ايديكي بدماهم
دى الأم غالية ياناس ..
من اليوم خلاص يا أمي
دواكي.. عرفنا طريقه ..
وصوتك ح يملأ الدنيا
من اليوم خلاص يا أمي
عيوننا وكمان قلوبنا
ح تكون دايماً عليكي..
سامحيني ..غصب عني
.........................