شن المخرج الرياضي الشهير محمد نصر الدين هجوما حادا على الاعلامي أحمد شوبير بعد المشادة التي نشبت بينهما منذ أيام قليل داخل استوديوهات قنوات مودرن والتي انفرد بها موقع El3bKora.com.
وقال نصر في تصريحات صوتية مسجلة: "شوبير مش أهلاوي، شوبير بيحب نفسه، ومبيحبش الاهلي، هو محسوب على الاهلي بس، لأن هو اللي بلغ عن ألتراس أهلاوي وسجنهم وبهدلهم ومرمط بيهم الأرض".
وأضاف نصر "شوبير طلع على ايديا واتربى على ايديا، انا اللي خليته معلق وانا اللي خليته مذيع، وانا اللي نجحته وعملتله اسم، انا اللي علمته وانا اللي كبرته وطلع من تحت ايدي".
وأشار نصر أن شوبير كان سببا في رحيله من قناة دريم لكي يبقى النجم الأوحد في القناة، كما أنه تسبب من قبل في ابعاده عن العمل لعام ونصف بسبب قوته ونفوذه بعدما كان عضوا في الحزب الوطني الفاسد وكان على علاقة وطيدة بحبيب العادلي وزير الداخلية السابق الفاسد.
وأضاف نصر "كفايه على شوبير إن مرتضى منصور قعده في البيت ولبسه الجلابيه، وأنا كنت ممكن اخليه يتسجن بالسيديهات اللي مرتضى جابها معاه في الحلقة وكان فيها فضايح، بس مرضتش عشان العلاقة اللي بينا".
ونفى نصر التهمة التي وجهها له شوبير بأنه يتقاضى أموالا من رجال الأعمال رؤساء الأندية وأخرهم كامل أبو علي رئيس المصري لاستضافتهم في برنامجه ويقتسم المبالغ مع مدحت شلبي مقدم البرنامج قائلا "باخد فلوس ازاي وانا لسه مسددتش قسط عربيتي ولا قسط شقتي، ومدحت شلبي بياخد 290 ألف جنيه في الشهر هيستنى هدايا من حد ، ده هو اللي يصرف عليهم"
وعن عرضه للافتات مسيئة لشوبير حملها جمهور المصري في لقاء الفريق الأخير قال "أنا مشوفتش اليفط وبعترف ان ده غلط مني، بس جماهير بورسعيد رفعت اليفط دي عشان شوبير بيحرض عليهم جمهور الأهلي في برنامجه والتحريض ده أوسخ من التحريض على موقعة الجمل".
وكشف نصر أن شوبير اعتدى عليه بالضرب والسب بعدما دخل عليه في غرفة التحكم في استوديو مودرن واصفا ما حدث "شوبير شدني من القميص وقطعلي الزرار، ولقيته بيسبلي بالدين وعندي 15 شاهد بكده، وسب الدين لامي ولزوجتي الله يرحمها ةلاسكندريه كلها وقال (اسكندرية مجابتش راجل) وسب الدين لبورسعيد وقال (بلد زباله) وسب الدين لالتراس اهلاوي وقالي (خليهم ينفعوك) وشتمنى شتايم وسخه وقال لي (يابن المــ.)، ولما قلتله متسبش الدين قالي (أنا أسب الدين لربنا نفسه)".
واختتم نصر حديثه قائلا "أنا بطالب الاخوان المسلمين بمعاقبة شوبير وعايزهم يقولوا اللي يسب الدين لربنا يحصله ايه".