هشى ومشى كل اللى غشك وظهروا من الخاينين غطى ودفى كل اللى تعب فى حبك بقاله سنين
زغرتى وزفى ولادك فى فرحك والمعزومين خبطى وخشى جوه قلوبنا واحنا مستنين
طيبى واشفى اللى بسببك بقوا مصابين غدى وعشى وطمنينا على كانوا مفقودين
اطردى ورشى الحق فى وش الكدابين فتشى وافشى كل اسرار اللى سرقك يبقى مين
نشنى وصيبى هدفك تبقى من الفايزين اصبرى وادعى واحنا وراكى نقول امين
فهمينا وعرفى اللى حصل لكل ولادك المصريين اكتب وترخى للزمن حكايتنا من البداية بس النهاية فين
اضحكى وفرفشى شوفى اللى كانوا مين بقوا فين قاعدين اشرخى واكسرى جدار الخوف وحواجز الياس المتين
طهرى ونضفى الايام الجاية للشبابك الصادقين مررى وعكرى طعم نيلك ده خسارة فى الغدارين
صورى ونورى ده انت فى الصورة مش زى التانين نفذى وقررى قفل صفحة قديمة وفتح جديدة بتاريخ 25
| العمر :48