شفت وسمعت وهاجس الشعر درّج
شفت وسمعت وهاجس الشعر درّج
والمهملات الطـارفـه مـالها درج
راع الهـروج العـوج ماينتهـرّج
والمال مايقناه من ينفـض الخـرج
والطيّب اللـي فالحـرج ماتحـرّج
في كل قاله شامـخ ٍ كنـه البـرج
شيخ ٍ علـى درب الـردا ماتـدرّج
عن منهجه ماصغوه نقالـة الهـرج
لليسرمـن دوامـة العسـرخـرّج
ناس ٍ يصوغ احوالها صوغة الجرج
ياكم لمضنوك ٍ من الضنـك فـرّج
تشهد لابو سلطان قوم ٍ ورا تـرج
من مدرسة حـرز القبيلـه تخـرّج
مسلط سراج الليل وأن خبيت السرج
ياما على رخـم الطوابيـر حـرّج
لاثارت الهيجاعلى الموقـع الـزرج
يروي شبا الهندي وحـد المـزرّج
لاجن بهلهن الرمك كنهـن عـرج
وليادبـحـن وخرالمثابـيـرعـرّج
بين النمش والشلف ومثولث الدرج
ياماثنافـوق الحصـان المـسـرّج
واستلحق التالين فالماقـف الحـرج
كـم فارس ٍ يـوم السرايا تـزرّج
من كـف زيزوم السرب فاخت السرج
يوم بـه العـذرا تصيـح وتبـرّج
والصافـنات من الوغا نصفهن مرج
وترعابه العـرا ضواحـي مـدرّج
وأن سندة يرعابهـا يمـة العـرج
ومـن الرحاويسـار ليـن يتفـرّج
في جفرة الصاقب وياصل بها الخرج