أروّض ألف جنّيه
على مهلك .. على مهلك ترى طرق القوافي كيف
ولا بـه شـاعـرن ودّه يقلّد شـاعره زيه
أنـا بنت العلي اللـي تجــــاري فالشعــر حــريـف
أصوغ القاف و أتحدى كبـار القوم بألفيـه
أنــا بنتـن ولـي خبـره بفـن الشعــــر والتـــــأليــف
واذا قـامت شيـاطيني تـروّض ألف جنيه
أخـوض البحــر مــا تشكي يديني كثــرة التجـديف
ولا تتعب مجـاديفي نعومـة راحـة يديــه
كـلامـي واضـح المعنـى ولــو بـالغت بــالتوصيف
أتـرجم كـل مــا يطري على بــالي علانيـه
أعـرف شلــون بحـروفي أهــاجم واتقـن التهــديف
واعرف شلون في خصمي أردّ بأقوى رديه
تـرى المنقــود مــا يلحق ســوى من غايته تحريف
وقــدر البنت مـــا ينقص مـدام البنت نشميـه
وتـرى بعض الرجـال افعـال بسّ افعــالهم تــزييف
واذا مــــا تلتـزم حـدّك أبكتـب فيــك مـرثيـه