قصيدة اعتزلت الشعر
انا اعتزلت الشعر لا عاد تطريه
وايضا تركت الحب للي يبونه
لا ينتخي فيني ولا ني بناخيه
والكل مناا دمعته في عيونه
تعبت من كثر المشاوير وتييه
ولا صار عندي بالمواقف مرونه
ابنسحب من دون اصوات تنبيه
يوم الأوادم تنسحب برعووونه
ولا عاد تنشدني عن الحال وشفيه
من ينشد المجنون سبة جنووونه؟
تبي تشوف القلب وشفيه مافيه
هذي بطولاته وهذي طعووونه
قلبي على لامااااه ماتت رجاويه
بين الامل والياس ضاعت ضنونه
والمشكله ماله مع الناس تشبيه
عجزت الاقي فالبشر يشبهونه
يعني بدوني عاش والوقت يمشيه
وشلون عيا الوقت يمشي بدونه
يعني كذا ولا كذا خااان ماضيه
ومن خان يلقاله حبيبن يخونه
مبغاااه كان اني من القلب باغيه
عند الكرامه ما رضيت المهونه
خلاص بعد اليوم مانيب طاااريه
لو كل نبضات الغلاا يعشقونه
إما تعيش وما قفك ما تخليه
ولا تموت وما قفك يذكرونه