قصيدة حرقة فؤادي
الليل والوحده ولهفة طواريك
تحرق فؤادي حرقة العود والكير
الوصل ظامي وكايد الوجد يدعيك
وعطش النوايا عودن لك مصادير
اشتاق لك وافقدك وآعن وأغليك
عنة عطاشا ضيعوا يمة البير
منية شفوفي ليت عيني تراعيك
حتان تدري كيف قدر الغنادير
اليوم غيباتك وباكر تغليك
والله يعين اللي كفخ كفخة الطير
قلب(ن)مطايعه شهر في تحريك
ليته يصيد اشواق ريش المحاذير
ويضرب على راس الوصل مايخليك
إلا شبع من هدته وانتي اف خير
(ي)ام العيون المتعبه وكحلها فيك
خلقه ومخطوط الكحل من تناوير
سبحان منهو صاغ هالمعجزه ذيك
أسود بياضك في عيونك مخاشير
عكش(ن) هدبها حول الشمس ل إتريك
فلة جناح الطير في حزة (إ)عصير
والبن الاشقر زاهين بك وكاسيك
حمسة نشاما ف انتظار المسايير
زاد الصباح ف غرتك وف تحديك
ترفعه؟ لاترفعه بيطير ويطير
لله درك وانت كلك تهاليك
دام الحلا خاواك من وين (م)تيسر
(خالدها)