قصيدة الاستاذه
أستاذة التسويف في مدرسة لم
متى على الله تتركين العماده .
المستوى السادس في جامعة هم
باقي ثلاث شهور وآخذ شهاده .
وأنظم ل الطابور في قافلة سم
واستاذن التوفيق قبل السعاده.
ياسعد منهو يفتقد حاسة الشم
لاذعذت ذكراك نادى الوساده.
ماهوب مثلي يوقف (ا)بخافقه دم
لي جابته ريح الغلا من بلاده.
ياكثرها اشواقي والشوق عزم
يجتاحني كل يوم مثل الاعاده.
ويضيمني فقدك وماكني أهتم
ياوجد حالي وصبرها والجلاده.
يامنية العطشان في (بادية رم)
ياحرقة الخسران وآخر مراده.
ياشوق ياحرمان يامدح ياذم
يامتعه الإصرار عند الاراده.
يالذة النسيان والسالفه غم
يافرحة الطفل الغرير (اف) إشاده.
لاحظ ولاتابوت لاشط ولا يم
لانوم ل اطمئنان والشوق عاده.
استاذة التأجيل وال كيف وال كم
جيتك ضعيف ورحت ضعفي بزياده.
خالد الحجي ( خالدها)