الطريق إلى وادي شعيب إعداد و تصوير عبدالكريم أحمــد الخلايلـــــه
ـ شـو رأيك اليوم نروح على منطقة وادي شعيب في جنوب شرق السلط ؟ ـ أنا سامعك بتقول ياريت ! طيب ، شـو رأيك نلتقي أمام الجامعة الأردنية أول إشي تشرب فنجان قهوة عندي في البيت ، وبعدين نقول ياااااأللـــه . مسجــد الجامعـــة الأردنيـــــة تقاطع المسجد مع مدينة الجبيهه ـ حط عداد سيارتك ع الصفر ، طبعا ً السيارة جاهزة من كله ... كله ... ولا ّ لأ .. ديربالك !! ـ شوف ياخال ! نطلع طلعـة نيفين ، أيوه ، أنا بعرف ، إنـه طلوع حاد شوي بس شو بدنا نساوي ، أنا بحاول أبعدك عن أزمات السير . ـ يالله عاد شـد حيلك ، بدنا نلحق قبل ماتحمى الشمس . ـ إحنا وصلنا إشارة المدرسة الصناعية !! ، ياعيني علييييييييييييك ! نعم عداد سيارتك بيسجل 3 كم! ـ شوف يا صديقي ، ها المـرّه ، بدنا نمشي دوغري ، لأنه إذا رحنا ع اليمين بدنا نروح ع مدينة صويلح ، وياحبيبي ع الأزمة . وإذا رحنا ع اليسار معناته بدنا نروووووووووووووح ، على حدائق الحسين والمدينة الطبية .. لا ...لا ... لا...........الله يعينك بدنا نظل ماشيين دوغري ... معلش فيه طلوع بس مقدور عليه .... ـ حط أول وقول يااااااا ألله ... شوف شوف شوف ، لما صعدنا الشارع الجنوبي لمدينة صويلح صارت صويلح كلها واضحة ... إنت إطـّلع على يمينك .. وشوف هاالمنظر .... يااااااااااااااااااااااااااااااااسلااااااااااااااا اااااااااااااااااااااااااام !!!!! ـ غني .. ياخوي... غني !! ما أنا سامعك بتقول وياه أنا ماشي ماشي !!!!! ـ كم عداد سيارتك ؟ إذا العداد 5 ،5 كم ، فإحنا الآن بالقرب من جسر " الكماليه " عاد الآن ناظر قدامك رح تشوف مناظر بتوخذ العقل .. آه .. هاي منطقة " الـْـحــُمّرْ " ـ إحنا رح نواصل طريقنا من تحت الجسر ( فيه دوار صغيرون ) بنحطه على على يسارنا .... ويالله ... To Essalt with Love ، ماشيين على بركة الله. ـ أظن عداد سيارتك صار 7.5 كم ، أيوااااااااااه أطـّلع ع اليسار رح تشوف مصلى وضريح الشهيد " وصفي التل " ... إنتظر!!! عليش مستعجل ؟!!! مطولين لازم نقرأ الفاتحـه على روح الشهيد وصفي . مصـلى وضريح الشهيد وصفي التل وهذا هو ضريح الشهيد وصفي التل رحمـَه ُ الله ـ ماشي ياعم يالله إمشي ، وبس يسجل عداد سيارتك 10 كم ، فأنت أمام جامعة عمان الأهلية ( يعني إنته بأول " طريق السـرو " ) فيه كل إشي من جامعة إلى شجر ، وكازية ، ومطعم ، وروود ومحلات تجارية ومكاتب وسكنات ........زززز. إحنا الآن على الطريق المؤدي إلى مدينـــة السلط ( المعروف بـ" شارع السـرو " ) وإلى جامعة عمــّان الأهليه ـ شو تفكر!!! وادي شعيب ؟! بعيد شوي ، بس مش أوي أوي . ـ نحن الآن على مشارف مدبنة السلط ، وعند إشارة قلب المدينة ، بيكون عداد سيارتك 18 كم ، ودير بالك ..!! رح تشوف منظر عام لمدينة السلط وخذ أقصى يسارك ، حتى تلف بإتجاه موقف الباصات وتحط الكراجات على يمينك ، حتى نربط مع أول طريق وادي شعيب ـــ سامع إللي أنا سامعه آآآآ ه والله سامع هذه أغاني شعبية بيحكوها السلطيه .... شو رأيك نسمع شو بيحكو .... آآآآه والله ياريت ...... " يا طا يح وادي شعيب وعيرا ويرقا معروفه السلط عروس البلقـــا " إسمع ... إسمع شوبيغنوا !! سامع ....!!! هذول عم بيغنو إشي ثاني ....... " وحق النبي شعيب ماسمعنا الخبر والعشره للغير والمهموم أنااااااااااا " بتحب تسمع كما وكمان يالله !!!!!.... " يازريف الطول طايح وادي شعيب والشعر الأشــقر لحد ِ الكعيب " ـ على ها الأنغام الطربيه يالله نمشي !! بس !! شوي شوي ـ عاد ... بدك تمشي شوي شوي مشان تتمتع بمشاهدت المناظر إللي بترد الروح ـ شوي شوي : ـ مناظر ، منعطفات ، مياه بتسيل ع الشارع ، متنزهين ، بائعين ـ ياسلااااااااااااااااااااااااااااااااااااااااااام وين إحنا ؟!! إحنا ياخوي عند "عين حزير" مش عداد سيارتك بيسجل 20 كم ، خلااااااااااص معناته إحنا فعلا ً عند عين حـزير ، ع فكره ؟!! إنت بتعرف مين هـوّا " حـزّير " يارجل هذا أخو سيدنا يوسف عليه الســـلام !! ـ إيــش!!! أكيد مبسوط !! يعني إذا ها المناظر مابتخلي الواحد ينبسط ، شو بده يبسطه إذا ً. ــ شو رأيك نمشي كمان شوي ...بس على مهلك شوي : المنعطفات بتخوف والمناظر بتجنن ... يارب سترك . ـ أؤؤووووووووووووووووه عداد سيارتك بيسجل 27 كم ، إذا ً على يمينك طريق بتـْـودي إلى منطقة " عيرا و يرقا " ... بلاش تدخلها أجلها إلى رحلة ثانيه!! ـــ إمشي دوغري بس 1 كم حتى نوصل إلى الجسر ... وهون صار لازم ننزل ونتفرج ع السيل والشجر والعصافير والليمون والرمان والكينا والدفلى والتين والبرتقال والقصيب والورد وإلذي منه !!!!!! يعني بدنا نصف ســاعـه وأكثر، فأنت الآن وسط منطقة ولا في الأحلام !!! ، يالله خلينا نوكل ساندويشاتنا ونشرب الشاي ، ونستريح ونشرب الماء البارد ، وكمان المرطبات !!! ما أنا معي ثلاجة ولا يهمك !!!.... يعني أنا محتا ط من كله !!! بس تكون مبسووووووووووووووووووووط ـ نوينا ع السفر .... قول يا ألله عليك توكلنا .... لاتنسى لما يصير عداد السياره 31 كم تتمهل !!!!!! لأنه رح نقترب من الطريق المؤدي إلى مسجد ومقام سيدنا شعيب عليه السلام ..... صارلنا ماشيين 4 كم من الجسر ... يالله ندخل الطريق إللّي ع اليسار ونزور المسجد ونصلي ثم نقرأ الفاتحه على روح نبي الله شعيب عليه السلام .. رح تشوف المسجد والمقام والمكتبة .... ورح نجلس تحت ها الشجرات وأشرحلك عن سيدنا شعيب وزيارة موسى إله هون ومساعدته لبنات شعيب وزواج موسى من وحده من ها البنات ثم رح أحكيلك شوي عن طبيعة وتاريخ وادي شعيب.
ـ أووووووووه إسترحنا نص ساعـــه !!!! يالله نواصل مسيرنا ..... ــ ع الطريق رح تشوف تناقضات البيئه ، رح تشوف شجر ، بعدين صخور وجبال ومغر وكهوف ووديان وتشكيلات صخرية وأحيانا مابتشوف إلا الجبال الجرداء وبعد شوي رح تشوف مي وخضره وليمون ونخيل وباعة الأشجار والأزهار ووووووووووو!!!!!!!! ـ أظن الآن صار عداد السياره 43 كم إذن إحنا فييييييييييييييين ؟؟!!!! والله ياصاحبي إحنا في مكان البطولة والأمجاد .... إحنا عند النصب التذكاري لشهداء " معركة الكرامه " شو رأيك !! ندخل ونتذكر بطولات الجيش العربي الأردني في معركة الكرامه إللي صارت يوم 21 / 3/ 1968 م . يالله أقعد خليني أشرحلك بالتفاصيل عنها . ــ إن شاء الله تكون إنبسطت ..... وشايف الطريق إللي رايح دوغري ، ع اليمين ؟!! هذا ياسيدي بيوخذك على منطقة الشونة والأغوار الوسطى والشمالية ودير علا ّ ومقام أبوعبيدة وضرار بن الأزور وشرحبيل بن حسنه ومعاذ بن جبل . .....أما إللي ع اليسار رح يوخذك على الشونة الجنوبية وعلى البحر الميت... وياحبيبي وين ما رحت كلها مناطق جميله ... وجنات على مد النظر. المرة الجايه بنكمل ونروح ع البحر الميت .... مش رحناله الشهر إللي فات ......!!!! ـ لكن إحنا بدنا نرجع .... بس بعد مسافه رح أوخذك من طريق آخر .... إذا ً .. صَفـِّر عداد السياره .... حطيته صفر عند النصب التذكاري؟! ... مزبوط .... طيب ... قول ياااااأللــــه ـ وياه أنا ماشي ماشي ...... يالله غني أنا عارف إنك طربان.. شوف ها المغر شوف ها التشكيلات الصخرية ... شوف ها النخيل شوف ها المزروعات ....!!! ـ آه والله ..سامعك بتقول العداد سجل 13 كم يعني إحنا عند مقام النبي شعيب طيب ماشي ..!!! ـ وصلنا عند الجسر مش هيك ؟!.... ــ شو بدنا نعمل ؟! المهم ماتروح دوغري .. فيه شارع على يمين الجسر ... إمشي عليه ولا يهمك طلوع .. صح والله طلوع طوووووووووووويل وبده روح طويله ... بس بيني وبينك ها المناظر إللي بنشوفها تخلي الواحد ينسى الطلوع والتعب ودير بالك ... منعطفات حادة وطلوع حاد ، ولما تشوف العداد 18 كم... يعني بتصير في مدينة مـاحص ولما يصير عداد السياره 20 كم بنكون في مدينة " الفحيص " ورح نشوف مصنع الإسمنت ، ومناظر من مدينة الفحيص بتجنن ونخرج من الفحيص إلى شارع الحجاز ثم الإلتقاء مع شارع المدينة الطبية وحدائق الحسين ثم ع اليسار إلى صويلح وعند الإشاره ، نوخذ ع اليمين بإتجاه " نزلة نيفين " وماتشوف حالك إلا ّ عند الجامعة الأردنية .... روح خذلك دوش ماء بارد ... وحط راسك ع المخده بلكي توخذلك غـفوه !!!!! ــ وها الحين أقولك زين سويت ، والله يعطيك ألف عافيه ــ بس يا معود لاتنسى تبعث الصور للمنتدى ، خلي غيرنا يشوف ها الرحله الممتعـــــــه ..............!!! سلااااااااااااااااااااااام و إلى اللقااااااااااء